ભગવાન વિષ્ણુને પ્રિય આમલકી અગિયારસ ક્યારે આવે છે, જાણો તેનું મહત્વ

ekadashi/ ભગવાન વિષ્ણુને પ્રિય આમલકી અગિયારસ ક્યારે આવે છે, જાણો તેનું મહત્વ

આ દિવસે ભગવાન વિષ્ણુની સાથે આમળાના ઝાડની પૂજા કરવાની પરંપરા છે. વાસ્તવમાં આમળાનું એક નામ આમલકી છે અને……

Bhakti News: હિન્દુ ધર્મમાં એકાદશી(અગિયારસ)ના વ્રતનું વિશેષ મહત્વ છે. ખાસ કરીને ફાગણ સુદ અગિયારસને ખૂબ જ મહત્વપૂર્ણ માનવામાં આવે છે. તે આમલકી એકાદશી તરીકે પણ ઓળખાય છે. આ દિવસે ભગવાન વિષ્ણુની સાથે આમળાના ઝાડની પૂજા કરવાની પરંપરા છે. વાસ્તવમાં આમળાનું એક નામ આમલકી છે અને આ દિવસે આમળાના ઝાડની પૂજા કરવાને કારણે આ અગિયારસને અમલકી અગિયારસ તરીકે ઓળખવામાં આવે છે. આમળાનું વૃક્ષ ભગવાન વિષ્ણુને ખૂબ જ પ્રિય છે. આ સાથે કાશીમાં ફાગણ સુદ અગિયારસને રંગભરી અગિયારસ તરીકે ઉજવવામાં આવે છે. આ દિવસથી કાશીમાં હોળીનો તહેવાર શરૂ થાય છે.

આમળાના દરેક ભાગમાં ભગવાનનો વાસ હોવાનું માનવામાં આવે છે. તેની ઉત્પત્તિ, એટલે કે, મૂળમાં શ્રી વિષ્ણુજી, દાંડીમાં ભગવાન શિવ અને ઉપરના ભાગમાં બ્રહ્માજીનો નિવાસ માનવામાં આવે છે. આ ઉપરાંત, તેની શાખાઓમાં ઋષિઓ અને દેવતાઓ, તેના પાંદડાઓમાં વસુ, તેના ફૂલોમાં મરુદ્ગન અને તમામ પ્રજાપતિઓ તેના ફળોમાં રહે છે તેવું માનવામાં આવે છે. કહેવાય છે કે આમળાના ઝાડનું સ્મરણ કરવાથી ગાયનું દાન કરવા જેટવું જ પુણ્ય પ્રાપ્ત થાય છે. તેને સ્પર્શ કરવાથી કોઈપણ કાર્યનું બમણું ફળ મળે છે, જ્યારે તેનું ફળ ખાવાથી ત્રણ ગણુ પુણ્ય મળે છે. આમળાનું ઝાડ અને તેની સાથે જોડાયેલી દરેક વસ્તુ વ્યક્તિ માટે ખૂબ જ ફાયદાકારક છે.