Tech News : આજકાલ ઘણા લોકો પાસે USB-C ચાર્જરવાળા લેપટોપ(laptop) અને સ્માર્ટફોન હોય છે. આવી સ્થિતિમાં એક સામાન્ય પ્રશ્ન ઊભો થાય છે
શું લેપટોપના ચાર્જરથી ફોન ચાર્જ કરી શકાય? ખાસ કરીને ત્યારે, જ્યારે ફોનનો ચાર્જર હાથવગો ન હોય.
જવાબ છે – હા, પરંતુ કેટલીક શરતો સાથે.
USB-C અને તેની વધતી લોકપ્રિયતા
આજના સમયમાં USB-C પોર્ટ ફક્ત ફોન અને લેપટોપ (laptop)સુધી મર્યાદિત નથી. હાર્ડ ડ્રાઇવ, કીબોર્ડ, માઉસ અને અન્ય ઘણા ગેજેટ્સમાં પણ તેનો ઉપયોગ થાય છે. જ્યારે બંને ડિવાઇસમાં એક જ પ્રકારનો પોર્ટ હોય, ત્યારે એક જ ચાર્જર વાપરવાની વિચારણા સ્વાભાવિક છે. પરંતુ અહીં સુરક્ષા સમજવી ખૂબ જરૂરી છે.
PD ટેકનોલોજી હોય તો જ ચાર્જ કરો એટલે કે, લેપટોપનો USB-C ચાર્જર ફોન માટે ત્યારે જ સલામત છે, જ્યારે તેમાં USB Power Delivery (PD) ટેકનોલોજી હોય.
PD ટેકનોલોજી શું કરે છે?
- ચાર્જર અને ફોન વચ્ચે સંચાર કરે છે
- ફોન જેટલી પાવર માગે છે, એટલી જ પાવર સપ્લાય થાય છે
- બેટરીને વધુ ગરમ થવાથી અને નુકસાનથી બચાવે છે
- ઉદાહરણ તરીકે, જો ફોનને 18W કે 20W પાવરની જરૂર હોય, તો PD ચાર્જર એટલું જ પાવર આપે છે – વધારે નહીં.
PD સપોર્ટ છે કે નહીં, કેવી રીતે ઓળખશો?
ચાર્જર પર PD અથવા Power Delivery લખેલું હોય તો સારું
ચાર્જરના સ્પેસિફિકેશનમાં જો 5V, 9V, 15V, 20V જેવા અલગ-અલગ વોલ્ટેજ લખેલા હોય, તો તે PD સપોર્ટ દર્શાવે છે
આજકાલના મોટા ભાગના નવા લેપટોપ ચાર્જર્સ PD સપોર્ટ સાથે જ આવે છે.
લેપટોપ (laptop)ચાર્જરથી ફોન ચાર્જ કરવાનો ફાયદો
✔ અલગ ફોન ચાર્જર રાખવાની જરૂર નથી
✔ એક જ ચાર્જરથી બે ડિવાઇસ ચાલે
✔ વધારે વોટેજ હોવાને કારણે ફાસ્ટ ચાર્જિંગ શક્ય
✔ મુસાફરી દરમિયાન વધુ સુવિધાજનક
જો તમારો ફોન ફાસ્ટ ચાર્જિંગ સપોર્ટ કરે છે, તો સારો લેપટોપ ચાર્જર તેને વધુ ઝડપથી ચાર્જ કરી શકે છે.
અંતમાં મહત્વની સલાહ
હંમેશા વિશ્વસનીય બ્રાન્ડનું PD ચાર્જર પસંદ કરો. સસ્તા અને નોન-PD ચાર્જર ફોનની બેટરીને નુકસાન પહોંચાડી શકે છે.
આથી, આગળથી જ્યારે ચાર્જર લો, ત્યારે માત્ર USB-C નહીં, પણ PD સપોર્ટ છે કે નહીં, એ ચોક્કસ તપાસજો.
