હવાઈ ટાપુ પર સ્થિત વિશ્વના સૌથી મોટા જ્વાળામુખી, મૌના લોઆએ હંગામો મચાવ્યો છે. આને કારણે, વૈજ્ઞાનિકોનું ટેન્શન વધ્યું છે. સ્થાનિક લોકોએ વિસ્તાર ખાલી કરવાની તૈયારી પૂર્ણ કરી લીધી છે.
હવાઈ
પ્રશાંત મહાસાગરના હવાઇયન ટાપુઓના વિશાળ ટાપુ પર સ્થિત વિશ્વની સૌથી મોટા જ્વાળામુખી મૌના લોઆ હવે ધીરે ધીરે સક્રિય થઇ રહ્યો છે. અમેરિકન વૈજ્ઞાનિકો સતત તેનું નિરીક્ષણ કરી રહ્યા છે. નિષ્ણાતોએ ચેતવણી આપી છે કે, આ જ્વાળામુખી જલ્દીથી સંપૂર્ણ રીતે સક્રિય થઇ જશે. જો કે, હજી તેની પુષ્ટિ થઈ નથી.
ગયા અઠવાડિયે, હવાઈના વાલ્કેનો ઓબ્ઝર્વેટરીમાં નીચા કેલિબરના 200 ભૂકંપ નોંધાયા હતા. રિક્ટર સ્કેલ પર આ ધરતીકંપની તીવ્રતા 2.5 નોંધાઇ હતી. મોટાભાગના ભુકંપ શિખરથી લગભગ 6 કિ.મી. નીચે આવ્યા હતા પરંતુ આનાથી જ્વાળામુખીને અસર થઈ ન હતી. યુએસજીએસએ જણાવ્યું હતું કે શિખરે અલગ થવાની ગતિ અને ધરતીકંપ થોડા વધ્યા છે. બુધવારે રિક્ટર સ્કેલ પર 4.2ની તીવ્રતાનો ભૂકંપ આવ્યો હતો પરંતુ મૌના લોઆ જ્વાળામુખી પર તેની કોઈ અસર થઈ ન હતી.
લોકોએ બચવા માટે પોતાના બોરિયા-બિસ્તરા તૈયાર કર્યા છે
એજન્સીએ એમ પણ કહ્યું હતું કે જ્વાળામુખીની દેખરેખમાં એ વાત બહાર આવી નથી કે તેના કદમાં ફેરફારના દરમાં અથવા પદ્ધતિમાં કોઈ ફેરફાર કરવામાં આવ્યો નથી. જ્યારે જ્વાળામુખી સક્રિય થાય છે, ત્યારે તે સામાન્ય રીતે તેના આકારને બદલવાનું શરૂ કરે છે. સામાન્ય રીતે જયારે જવાળામુખી વિસ્ફોટ થવાનો હોય ત્યારે તેના કદ અને આકારમાં ફેરફાર થતા હોય છે. ત્યાં સ્થાયી થયેલા લોકોએ બચવા માટે પોતાનો સરસામાન પક કરવા માંડ્યો છે.
તેઓએ તમામ જરૂરી ચીજો પોતાની બેગમાં રાખી છે જેથી તેઓ કોઈપણ સમયે ત્યાંથી ભાગી શકે. જો મૌના લોઆમાં સંપૂર્ણ વિસ્ફોટ થાય છે, તો તેનો લાવા ફક્ત થોડા કલાકોમાં સ્થાનિક વસાહતોમાં પહોંચી શકે છે. જો કે, જો ત્યાં અડધો વિસ્ફોટ થાય છે, તો ત્યાં કોઈ જોખમ નથી. હવાઇયન ટાપુઓ પર કુલ 5 જ્વાળામુખી સક્રિય છે. આમાંનું એક અત્યંત સક્રિય કિલયુઇએ છે.
