Tech & Auto News : ટેક નિર્માતા કંપનીઓએ ડિસ્પ્લે ટેકનોલોજીના ક્ષેત્રમાં ક્રાંતિ સર્જવાની દિશામાં વધુ એક મોટું કદમ ઉઠાવ્યું છે. અત્યાર સુધી બજારમાં ફોલ્ડેબલ સ્ક્રીનવાળા ગેજેટ્સનો દબદબો હતો, પરંતુ હવે લેનોવો (Lenovo) એ કન્સેપ્ટને સંપૂર્ણપણે બદલી નાખ્યો છે. જર્મનીના બર્લિન શહેર ખાતે યોજાયેલા પ્રખ્યાત પ્રદર્શન ‘IFA 2026’ માં કંપનીએ ‘પ્રોજેક્ટ સ્વાન’ (Project Swan) નામના અત્યાધુનિક રોલેબલ લેપટોપનો પ્રોટોટાઇપ રજૂ કરીને ટેક જગતને ચોંકાવી દીધું છે.

Lenovo  : 14 ઇંચમાંથી ક્ષણવારમાં બની જશે 17 ઇંચની સ્ક્રીન

આ અનોખા ડિવાઇસની સૌથી મોટી વિશેષતા એ છે કે તેમાં સ્ક્રીનને વાળવા કે ફોલ્ડ કરવાને બદલે રોલ કરીને મોટી કરી શકાય છે. યુઝર્સ પોતાની જરૂરિયાત મુજબ 14 ઇંચની સામાન્ય ડિસ્પ્લેને વધારીને 17 ઇંચ સુધી ફેલાવી શકે છે. 16.9 આસ્પેક્ટ રેશિયો ધરાવતી આ સ્ક્રીનનું રિઝોલ્યુશન 2258 x 1672 પિક્સેલથી વધીને 2850 x 1672 પિક્સેલ સુધી વિસ્તારિત થાય છે, જે યુઝરને લગભગ 4K વિઝ્યુઅલ જેવો શાનદાર વાઇડસ્ક્રીન અનુભવ પૂરો પાડે છે.

સ્માર્ટ ડિઝાઇન અને ફંક્શન કંટ્રોલ

અગાઉ થિંકબુક પ્લસ અને લીજન પ્રો રોલેબલ કન્સેપ્ટ પર કામ કર્યા બાદ લેનોવોએ આ નવા મોડેલમાં વજનનું સંતુલન અને સુવાહ્યતા (Portability) પર વિશેષ ધ્યાન આપ્યું છે. કીબોર્ડની ઉપર આપેલા સ્પેશિયલ ફંક્શન કી-બટનોની મદદથી સ્ક્રીનની સાઈઝને સરળતાથી કંટ્રોલ કરી શકાય છે. આ ડિઝાઇનની મદદથી લેપટોપ અત્યંત સ્લિમ, હળવું અને કમ્પેક્ટ રહે છે.

લોન્ચિંગ અને કિંમત અંગે સસ્પેન્સ

હાલ પૂરતું ‘પ્રોજેક્ટ સ્વાન’ એક વિઝન અને પ્રોટોટાઇપ મોડેલ તરીકે રજૂ કરવામાં આવ્યું છે. કંપની દ્વારા આ સ્માર્ટ લેપટોપ (Smart Laptop) ના કોમર્શિયલ લોન્ચિંગ, વેચાણની તારીખ કે કિંમત અંગે કોઈ સત્તાવાર વિગતો જાહેર કરવામાં આવી નથી. જોકે, આ ટેકનોલોજી આવનારા સમયમાં પર્સનલ કમ્પ્યુટિંગની વ્યાખ્યા બદલી નાખશે તે નક્કી છે.

આ પણ વાંચો : ડોમિનિકન રિપબ્લિકની જોહેરી મોલાએ જીત્યો મિસ વર્લ્ડ 2026નો તાજ

આ પણ વાંચો :વિવાદો વચ્ચે સમય રૈનાની સાવચેતી, અમદાવાદ પ્લેન ક્રેશ પરનો જોક અટકાવી બદલાવ્યો વિષય

આ પણ વાંચો :મનોજ તિવારીની દીકરી ઋતિ તિવારીની એન્ટ્રી, સલમાન ખાને આપી ખાસ સલાહ