પૂર્વ મુખ્યમંત્રી રમણ સિંહે છત્તીસગઢના જશપુરમાં લખીમપુર ખેરી જેવા અકસ્માત માટે બઘેલ સરકારને નિશાન બનાવી છે. રમણ સિંહે કહ્યું કે, ગાંજાના દાણચોરની કાર આવે છે અને લોકોને કચડી નાખે છે જેમાં 16 લોકો ઘાયલ થાય છે અને એકનું મોત થાય છે. ત્યાં કોઈ પોલીસ હાજર ન હતી. મુખ્યમંત્રીએ આ બાબતનું ધ્યાન રાખવું જોઈએ. જો તે લખીમપુર ખેરી જઈ શકે તો તે અહીં પણ જઈ શકે છે.
રમણ સિંહે કહ્યું કે, તેમણે (સીએમ બઘેલ) મૃતકોના પરિવારને 50 લાખ અને ઘાયલોને 10-10 લાખ રૂપિયા આપવાની જાહેરાત કરવી જોઈએ. ગંભીર રીતે ઘાયલ લોકોને એઈમ્સ રાયપુર લઈ જવામાં આવે. એસપીને દૂર કરવા જોઈએ, આ એક સંપૂર્ણ નિષ્ફળતા છે અને તે દર્શાવે છે કે અસામાજિક તત્વો કેટલા નિર્ભય બન્યા છે.
ઉલ્લેખનીય છે કે, છત્તીસગઢના જશપુર જિલ્લામાં દુર્ગા વિસર્જન કરવા જઇ રહેલા લોકો પર બેફામ કાર ચલાવીતા અકસ્માત સર્જોયો હતો. આ અકસ્માતમાં એકનું મોત થયું છે, જ્યારે અન્ય લોકો ઘાયલ થયા છે. અકસ્માત બાદ સમગ્ર વિસ્તારમાં તણાવનો માહોલ હતો. ગુસ્સે ભરાયેલા લોકોએ અનેક વાહનોને આગ ચાંપી દીધી અને વાહન ચાલકને માર માર્યો. આ ઘટના બાદ સમગ્ર શહેરમાં આક્રોશ છે. લોકોએ શહેર બંધ રાખ્યું છે અને પથલગાંવ પોલીસ સ્ટેશનમાં વિરોધ કરી રહ્યા છે.
