વર્ષ 2003માં ‘કોઈ… મિલ ગયા’ રિતિક રોશન અને પ્રીતિ ઝિન્ટાની સુપરહિટ ફિલ્મ રિલીઝ થઈ હતી. આ ફિલ્મ એલિયન મેજિક પર બનાવવામાં આવી હતી અને આ ફિલ્મને વડીલોથી લઈને બાળકો સુધી દરેકે ખૂબ પ્રેમ આપ્યો હતો. ‘કોઈ… મિલ ગયા’માં ટીના નામની એક નાની છોકરી હતી, જેના પાત્રને પણ દર્શકોનો ઘણો પ્રેમ મળ્યો હતો. આ ટીના હવે મોટી થઈ ગઈ છે અને સાઉથ સિનેમાની જાણીતી સ્ટાર છે. હા, તે ટીના બીજું કોઈ નહીં પણ હંસિકા મોટવાણી છે. જેમણે પોતાના કરિયરની શરૂઆત બાળ કલાકાર તરીકે કરી હતી.
હંસિકા મોટવાણીનો જન્મ 9 ઓગસ્ટ 1991ના રોજ થયો હતો. હંસિકાએ પોતાના કરિયરની શરૂઆત બાળ કલાકાર તરીકે સીરિયલ ‘શકા લાકા બૂમ-બૂમ’થી કરી હતી. આ પછી તે રિતિક રોશન અને પ્રીતિ ઝિન્ટાની ફિલ્મ ‘કોઈ મિલ ગયા’માં પણ જોવા મળી હતી.
હંસિકાએ માત્ર 15 વર્ષની ઉંમરથી તેલુગુ ફિલ્મોમાં કામ કરવાનું શરૂ કર્યું હતું. આ પછી તે હિમેશ રેશમિયાની ફિલ્મ ‘આપકા સુરૂર’માં પણ જોવા મળી હતી. જેના કારણે તેને ઘણી લોકપ્રિયતા મળી.
હંસિકા મોટવાણીએ તેલુગુ ફિલ્મોમાં ‘દેસામુદુરુ (2007)’થી ડેબ્યૂ કર્યું હતું. તેણે લોકપ્રિય તેલુગુ ફિલ્મો ‘કંતારી (2008)’ અને ‘મસ્કા (2009)’માં કામ કર્યું છે.
હંસિકાએ તમિલમાં ઘણી સફળ ફિલ્મો પણ આપી છે, જેમાં ‘એંગ્યમ કાધલ (2011)’, ‘વેલાયુધમ (2011)’, ‘ઓરુ કાલ ઓરુ કનાડી (2012)’, અને ‘સિંઘમ 2 (2013)’નો સમાવેશ થાય છે. તેની આગામી ફિલ્મો વિશે વાત કરીએ તો, તેની પાસે પાંચ પ્રોજેક્ટ છે જે તમિલ અને તેલુગુમાં છે.
