SriLanks News: તમે વિશ્વના સૌથી મોટા, નાના, સૌથી વ્યસ્ત એરપોર્ટ વિશે તો સાંભળ્યું જ હશે, પરંતુ શું તમે જાણો છો કે દુનિયાનું સૌથી ખાલી એરપોર્ટ કયું છે? આજે અમે તમને આ એરપોર્ટ વિશે જણાવવા જઈ રહ્યા છીએ. સમાચાર હતા કે ભારત આ એરપોર્ટ ખરીદી શકે છે પરંતુ આજદિન સુધી આ અંગેની સ્થિતિ સ્પષ્ટ થઈ શકી નથી અને આ એરપોર્ટ હજુ પણ નિર્જન પડેલું છે.
મત્તાલા રાજપક્ષે ઇન્ટરનેશનલ એરપોર્ટને “વિશ્વનું સૌથી શાંત એરપોર્ટ” કહેવામાં આવે છે. આ એરપોર્ટ કોલંબોથી માત્ર ચાર કલાકના અંતરે આવેલું છે. એક રિપોર્ટ અનુસાર, હંબનટોટા સ્થિત આ એરપોર્ટના ટર્મિનલ પરથી સરેરાશ દિવસે માત્ર સાત લોકો જ પસાર થાય છે. મત્તાલા રાજપક્ષ આંતરરાષ્ટ્રીય એરપોર્ટ જંગલો અને નાના ગામડાઓથી ઘેરાયેલું છે. આ એરપોર્ટ પર ટેક્સી ઓફિસ અને એક હોટેલ છે.
બાંધકામ ક્યારે અને કોણે કરાવ્યું?
મત્તાલા રાજપક્ષે ઈન્ટરનેશનલ એરપોર્ટ બન્યાને બહુ સમય વીતી ગયો નથી. આ એરપોર્ટની શરૂઆત મહિન્દા રાજપક્ષેએ વર્ષ 2013માં કરી હતી જ્યારે તેઓ રાષ્ટ્રપતિ હતા. રાજપક્ષેએ એરપોર્ટના નિર્માણ પાછળ 176 કરોડ રૂપિયાનો ખર્ચ કર્યો હતો. જ્યારે તેનું નિર્માણ થયું ત્યારે ચીને તેના પર ઘણું રોકાણ કર્યું હતું. આ એરપોર્ટ તેની આસપાસના વિસ્તારનો વિકાસ કરીને પ્રવાસનને પ્રોત્સાહન આપવાના હેતુથી બનાવવામાં આવ્યું હતું, પરંતુ તે ક્યારેય સફળ થયું ન હતું.
એક રિપોર્ટ અનુસાર આ એરપોર્ટની આર્થિક સ્થિતિ એટલી ખરાબ થઈ ગઈ છે કે કર્મચારીઓને તેમનો પગાર પણ નથી મળી રહ્યો. આવી સ્થિતિમાં આ એરપોર્ટ વેચી શકાય તેવી પણ ચર્ચા હતી. શ્રીલંકાની એક ન્યૂઝ વેબસાઈટે દાવો કર્યો હતો કે ભારત અને રશિયાએ આ એરપોર્ટ ખરીદવામાં રસ દાખવ્યો છે.
જે વિસ્તારમાં આ એરપોર્ટ બનાવવામાં આવ્યું છે તે મહિન્દા રાજપક્ષેનું ઘર વિસ્તાર છે. આ એરપોર્ટ આ વિસ્તારને વિકસાવવા અને પ્રવાસીઓને આકર્ષવાના ઉદ્દેશ્યથી બનાવવામાં આવ્યું હતું, પરંતુ હવે તેનું ભવિષ્ય જાણી શકાયું નથી.
આ પણ વાંચો: ઉપરાષ્ટ્રપતિએ હસતા મોઢે કહ્યું-યોગીએ જેટલું મારા પર હોમવર્ક કર્યું એટલું તો મારા સસરાએ પણ કર્યું નથી
આ પણ વાંચો: ચાલતી એમ્બ્યુલન્સમાં મહિલા પર બળાત્કારનો પ્રયાસ, ઓક્સિજન માસ્ક કાઢી બીમાર પતિને બહાર ફેંક્યો અને…
આ પણ વાંચો: નવી વંદે ભારતનું ભાડું નક્કી, બુકિંગ શરૂ, શનિવારે પીએમ મોદી વર્ચ્યુઅલ રીતે ફ્લેગ ઓફ કરશે
