Washington News: અમેરિકા(USA)ના રાષ્ટ્રપતિ ડોનાલ્ડ ટ્રમ્પે (President Donald Trump) ફેડરલ ડિપાર્ટમેન્ટ ઓફ એજ્યુકેશન (Federal Department of Education)ને નાબૂદ કરવાના એક્ઝિક્યુટિવ ઓર્ડર પર હસ્તાક્ષર કર્યા છે. ડોનાલ્ડ ટ્રમ્પે કહ્યું, “હું ખૂબ નસીબદાર હતો. મેં બીજા દસ્તાવેજ પર હસ્તાક્ષર કર્યા જે દેશ માટે ખૂબ જ સારા સાબિત થયા. ચાલો આ એક્ઝિક્યુટિવ ઓર્ડર (Executive order) પર પણ સહી કરવા માટે એ જ પેનનો ઉપયોગ કરીએ.” ટ્રમ્પના આ નિર્ણય બાદ અમેરિકામાં શિક્ષણ વિભાગ (Education Department)ની ઓફિસ હવે બંધ થઈ જશે. અમેરિકન રાષ્ટ્રપતિના સત્તાવાર કાર્યાલય અને નિવાસસ્થાન વ્હાઇટ હાઉસ (White House)ના એક અધિકારીએ નામ ન આપવાની શરતે આ માહિતી આપી છે.
શિક્ષણ વિભાગ કેમ બંધ કરવામાં આવ્યું?
રાષ્ટ્રપતિ ટ્રમ્પે શિક્ષણ વિભાગને નકામું અને ઉદાર વિચારધારાથી દૂષિત (Wasteful and Infiltrated by leftists) ગણાવ્યું છે. તેથી તેઓએ તેને બંધ કરવાનો નિર્ણય લીધો છે. જોકે, નિષ્ણાતો એમ પણ કહે છે કે ડોનાલ્ડ ટ્રમ્પ માટે શિક્ષણ વિભાગ બંધ કરવો સરળ નથી અને આ ફક્ત કોંગ્રેસ (Congress)ની સંમતિથી જ શક્ય છે. પરંતુ ટ્રમ્પ તેને બંધ કરવા માટે કટિબદ્ધ હતા. અમેરિકાનો આ શિક્ષણ વિભાગ લગભગ 45 વર્ષથી ચાલી રહ્યો છે.
આ વિભાગની રચના 45 વર્ષ પહેલાં થઈ હતી
તેની રચના 1979 માં થઈ હતી. આ આદેશ શિક્ષણ સચિવ (Education Secretary) લિન્ડા મેકમોહનને “શિક્ષણ વિભાગને બંધ કરવા અને રાજ્યોને શિક્ષણ સત્તા પરત કરવા માટે જરૂરી તમામ પગલાં લેવા અને અમેરિકનો જેના પર આધાર રાખે છે તે સેવાઓ, કાર્યક્રમો અને લાભોની અસરકારક અને અવિરત ડિલિવરી સુનિશ્ચિત કરવાનો નિર્દેશ આપશે,” વ્હાઇટ હાઉસના એક અહેવાલમાં જણાવાયું છે.
ટ્રમ્પના અત્યાર સુધીના સૌથી મોટા નિર્ણયો
- અમેરિકામાંથી ગેરકાયદેસર ઇમિગ્રન્ટ્સને દેશનિકાલ કરવા
- વિવિધ દેશો પર સમાન ટેરિફ જાહેર કરવા
- USAID બંધ
- અમેરિકામાં ટ્રાન્સજેન્ડર સિસ્ટમનો અંત
- IVF ટેકનોલોજીને સસ્તી બનાવવી
- ભૂતપૂર્વ રાષ્ટ્રપતિઓ માર્ટિન લ્યુથર કિંગ અને જોન એફ કેનેડીની હત્યાઓ સંબંધિત દસ્તાવેજોનું વર્ગીકરણ જાહેર કરવું
- મુક્ત વાણીને પ્રાથમિકતા આપવી
આ પણ વાંચો:ડોનાલ્ડ ટ્રમ્પનો વધુ એક મોટો નિર્ણય, જો બિડેનના બાળકોની સુરક્ષા હટાવી
