Vadodara News: લોકસભાની ચૂંટણી (Loksabha Election)પહેલા રાજકારણમાં પક્ષ પલટાની મોસમ ચાલી રહી છે ત્યારે આજે વડોદરા ડેરી ડાયરેક્ટર કુલદીપસિંહ રાઉલજી અને પૂર્વ ધારાસભ્ય બાલકૃષ્ણ પટેલ કોંગ્રેસનો સાથ છોડી કેસરિયો ધારણ કરશે.
આજે વડોદરા ડેરી ડાયરેક્ટર કુલદીપસિંહ રાઉલજી અને પૂર્વ ધારાસભ્ય બાલકૃષ્ણ પટેલ ભાજપમાં જોડાશે. તેઓ કમલમ્ ખાતે ગુજરાત પ્રદેશ ભાજપ અધ્યક્ષ સી. આર. પાટિલના હસ્તે ખેસ પહેરશે. આ પહેલા પૂર્વ ધારાસભ્યો, વિરોધ પક્ષના સભ્યો પણ ભાજપમાં જોડાયા હતા.
પૂર્વ ધારાસભ્ય બાલકૃષ્ણ પટેલ પહેલા ભાજપમાં જીલ્લા પ્રમુખ તરીકે કાર્યરત હતા અને જીલ્લા પંચાયતમાં પક્ષને વિજયી બનાવ્યો હતો. બાદમાં કોંગ્રેસમાંથી ડભોઈના ધારાસભ્ય તરીકે ચૂંટાઈ સેવા આપી હતી. તેમજ વડોદરા ડેરી ડાયરેક્ટર કુલદીપસિંહ રાઉલજી કોંગ્રેસમાંથી સાવલી વિધાનસભામાં ચૂંટણી લડી હતી. તો આ વખતે કોંગ્રેસ સાથે છેડો ફાડી ભાજપમાં જોડાશે. બાદમાં કાર્યકરો સાથે શક્તિપ્રદર્શન કરશે.
છેલ્લા 1 સપ્તાહમાં ઘણા વિપક્ષના નેતાઓએ કેસરિયો ધારણ કરી પક્ષ સાથે નાતો જોડ્યો હતો.
આ પણ વાંચો:વડાપ્રધાન નરેન્દ્ર મોદી કરશે વિદ્યાર્થીઓ સાથે ‘પરીક્ષા પે ચર્ચા’, જાણો શા માટે તેનું આયોજન કરાયું
આ પણ વાંચો:કચ્છમાં વધુ એક વખત ધરા ધ્રુજી, મોરબીમાં પણ આંચકા અનુભવાયા
આ પણ વાંચો:પીપાવાવ પાસેથી પેટ્રોલ, ડીઝલનો જથ્થો પકડાતા રેકેટનો પર્દાફાશ
