AFAD: તુર્કીના હેતાય પ્રાંતમાં ભૂકંપ આવ્યો છે. ભૂકંપની તીવ્રતા 5.0 માપવામાં આવી છે. તુર્કીની નેશનલ ડિઝાસ્ટર એન્ડ ઇમરજન્સી મેનેજમેન્ટ ઓથોરિટી (AFAD) એ ભૂકંપની પુષ્ટિ કરી છે. આ પહેલા પણ 20 ફેબ્રુઆરીએ તુર્કીના હેતાય પ્રાંતમાં 6.4ની તીવ્રતાનો બીજો શક્તિશાળી ભૂકંપ આવ્યો હતો. તુર્કીની આપત્તિ વ્યવસ્થાપન એજન્સી એએફએડીએ અહેવાલ આપ્યો છે કે 6.4-ની તીવ્રતાનો ભૂકંપ હેતાય પ્રાંતના ડાફને શહેરની આસપાસ કેન્દ્રિત હતો.
તુર્કીના સ્થાનિક મીડિયાએ જણાવ્યું હતું કે ભૂકંપના કારણે કેટલીક ક્ષતિગ્રસ્ત ઇમારતો ધરાશાયી થઈ હતી, પરંતુ જાનહાનિના કોઈ તાત્કાલિક અહેવાલ નથી. તુર્કીની સત્તાવાર અનાદોલુ એજન્સીએ જણાવ્યું કે સીરિયા, જોર્ડન, ઈઝરાયેલ અને ઈજીપ્તમાં ભૂકંપના આંચકા અનુભવાયા છે.
ઉલ્લેખનીય છે કે સોમવારે (20 ફેબ્રુઆરી)ના આંચકાએ સમગ્ર ભૂકંપ ઝોનમાં ગભરાટ ફેલાવી દીધો હતો. ભૂકંપ પ્રભાવિત વિસ્તારના ઘણા લોકો અગાઉની આપત્તિથી ઘાયલ થયા હતા. તેઓ તંબુઓમાં રહેતા હતા અને તેમની કારમાં સૂતા હતા. અહેવાલો અનુસાર, અદાના શહેરની શેરેટોન હોટેલમાં, જ્યાં પ્રારંભિક ભૂકંપમાં ઘણી ઇમારતો ધરાશાયી થઈ હતી, પરિવારો મકાન ખાલી કરવા માટે તેમના સામાન સાથે લિફ્ટમાં દોડી ગયા હતા.
સેરકાન ટોપલ, તુર્કીના સાંસદ, જે સોમવારના ભૂકંપ દરમિયાન હેટેમાં હતા. તેમણે કહ્યું હતું કે મને ડર છે કે જાનહાનિ થઈ છે. નવો ભૂકંપ ઝોન બચેલા લોકોને આશ્રય આપવા માટે પડકારને વધુ વધારી શકે છે. અધિકારીઓએ કહ્યું કે હવે અમને વધુ ટેન્ટની જરૂર પડશે. અમે કોઈ પણને ઘરમાં પ્રવેશવા માટે ના કહી છે.
તુર્કીની રાજધાની અંકારામાં પત્રકારો સાથે વાત કરતા, વાઇસ પ્રેસિડેન્ટ ફુઆત ઓકટેએ માહિતી આપી હતી કે 20 ફેબ્રુઆરીના ભૂકંપમાં આઠ લોકો ઘાયલ થયા હતા અને ભૂકંપ ઝોનના રહેવાસીઓને ક્ષતિગ્રસ્ત ઇમારતોથી દૂર રહેવા ચેતવણી આપી હતી.
