મહારાષ્ટ્ર ATSએ ગુરુવારે (4 મે) પાકિસ્તાનના એજન્ટને ગુપ્ત માહિતી શેર કરવાના મામલે મોટી કાર્યવાહી કરી હતી. ATSએ પુણે સ્થિત DRDOના ડાયરેક્ટર અને વૈજ્ઞાનિક ડૉ. પ્રદીપ કુરુલકરની પાકિસ્તાનને સંવેદનશીલ માહિતી આપવાના આરોપમાં ધરપકડ કરી છે.
એટીએસના સૂત્રોએ જણાવ્યું હતું કે સાયન્ટિસ્ટ કુરુલકરને પાકિસ્તાન ઈન્ટેલિજન્સ ઓપરેટિંગ (પીઆઈઓ)ના એક વ્યક્તિએ હની ટ્રેપ કર્યો હતો. આ પછી, આરોપી વૈજ્ઞાનિકે સંવેદનશીલ માહિતી એકત્રિત કરવાનું શરૂ કર્યું અને તેને પાકિસ્તાનમાં વ્યક્તિને આપવાનું શરૂ કર્યું.સૂત્રોએ જણાવ્યું હતું કે ફેબ્રુઆરીમાં ભારતીય ગુપ્તચર એજન્સીઓને જાણ થઈ હતી કે વૈજ્ઞાનિક પ્રદીપ કુરુલકરને અજાણતાં હની ટ્રેપ કરવામાં આવ્યા છે. તે વીડિયો ચેટ અને અન્ય સોશિયલ મીડિયા દ્વારા પાકિસ્તાનની ગુપ્તચર એજન્સીના સંપર્કમાં છે. આ પછી, તેની માહિતી ડીઆરડીઓને આપવામાં આવી હતી.
એક અધિકારીએ જણાવ્યું કે સમગ્ર મામલાની માહિતી મળ્યા બાદ ડીઆરડીઓના વિજિલન્સ વિભાગે તપાસ શરૂ કરી અને રિપોર્ટ તૈયાર કર્યો. વિવિધ ભારતીય તપાસ એજન્સીઓને આ રિપોર્ટ વિશે જણાવવામાં આવ્યું હતું. આ પછી મહારાષ્ટ્ર ATSએ આ મામલાની તપાસ કરી અને ડૉ. કુરુલકરની ધરપકડ કરી. જણાવી દઈએ કે કુરુલકર આ વર્ષે નવેમ્બરમાં નિવૃત્ત થવા જઈ રહ્યા છે. અત્યાર સુધીની તપાસમાં તપાસ એજન્સીઓને જાણવા મળ્યું છે કે અજાણતા તેઓ પાકિસ્તાનની ગુપ્તચર એજન્સીઓના સંપર્કમાં આવ્યા હતા.
