અખિલ ભારતીય મહિલા કોંગ્રેસની અધ્યક્ષ રહી ચૂકેલી સુષ્મિતા દેવે કોંગ્રેસ સાથેના સંબંધો તોડી નાખ્યા છે. જેમાંપહેલા તેણે પાર્ટીનું વોટ્સએપ ગ્રુપ છોડી દીધું. ત્યાર બાદ હવે ટ્વિટરના પોતાને કોંગ્રેસના ભૂતપૂર્વ નેતા તરીકે વર્ણવ્યા છે. તેમણે પોતાનું રાજીનામું પાર્ટીના વચગાળાના અધ્યક્ષ સોનિયા ગાંધીને મોકલી આપ્યું છે.લાંબા સમયથી તે પાર્ટીથી નારાજ હતી. આસામ વિધાનસભાની ચૂંટણી દરમિયાન પણ તેમની નારાજગીના સમાચાર સતત સામે આવી રહ્યા હતા.માર્ચ મહિનામાં, આસામ પ્રદેશ કોંગ્રેસ સમિતિએ સુષ્મિતા દેવના રાજીનામાની અટકળોને ફગાવી દીધી હતી. તેમજ તેમણે સીટ વહેંચણી અંગે નારાજગી વ્યક્ત કરી હતી.
આ પણ વાંચો : રાજય માં ધોરણ-12 સાયન્સના રિપીટર વિદ્યાર્થીઓનું પરિણામ જાહેર કરાયું
કોંગ્રેસ મહિલા વિંગના વડા સુષ્મિતા દેવે રવિવારે પાર્ટીમાંથી રાજીનામું આપ્યું. પાર્ટી અધ્યક્ષ સોનિયા ગાંધીને લખેલા સંક્ષિપ્ત પત્રમાં ભૂતપૂર્વ સંસદસભ્યએ કહ્યું કે તેઓ પાર્ટીની પ્રાથમિક સભ્યપદમાંથી રાજીનામું આપી રહ્યા છે, પરંતુ કોઈ ચોક્કસ કારણ આપ્યું નથી.તેણીએ કહ્યું, “હું ભારતીય રાષ્ટ્રીય કોંગ્રેસ સાથે મારા ત્રણ દાયકાના લાંબા જોડાણની પ્રશંસા કરું છું . તમે મને આપેલા માર્ગદર્શન અને તકો માટે હું વ્યક્તિગત રૂપે તમારો આભાર માનું છું.” દે 2014 માં પહેલીવાર તે સિલ્ચરની પારિવારિક બેઠક પરથી સંસદમાં પહોંચી.
આ પણ વાંચો : SOU સ્થિત જંગલ સફારી પાર્કમાં પ્રવાસીઓ માટે નવું નજરાણું, સફેદ નર વાઘ વીરને મળી સફેદ માદા
સૂત્રો પાસેથી પ્રાપ્ત માહિતી અનુસાર સુષ્મિતા દેવ તૃણમૂલ કોંગ્રેસમાં જોડાઈ શકે છે. જો કે, તેમણે હિન્દુસ્તાન ટાઇમ્સ દ્વારા કરવામાં આવેલા કોઈપણ કોલ અથવા પ્રશ્નોનો જવાબ આપ્યો ન હતો.
