આ દિવાળીએ આ રીતે ઘરે બનાવો મૈસુર પાક, મોંમાં મૂકતાં જ ઓગળી જશે

દિવાળી વાનગી/ આ દિવાળીએ આ રીતે ઘરે બનાવો મૈસુર પાક, મોંમાં મૂકતાં જ ઓગળી જશે

ગુજરાતમાં તહેવાર આવે ત્યારે જાત જાતની વાનગીઓ બનાવવામાં આવે છે. જે ખાવામાં સ્વાદિષ્ટ હોય છે તો ચાલો જોઇએ કેવી રીતે બનાવાય ટેસ્ટી મૈસુર પાક..

દિવાળીને હવે ગણતરીના દિવસો બાલી છે ત્યારે આજે અમે તમારા માટે વધુ એક મિઠાઇની રેસીપી લઇને આવ્યા છીએ. ગુજરાતી લોકો ખાવાના ખૂબ શોખીન હોય છે. એમા પણ જો કોઇ તહેવાર આવે તો જાત જાતની વાનગીઓ બનાવે છે. જે ખાવામાં ટેસ્ટી અને સ્વાદિષ્ટ હોય છે તો ચાલો જોઇએ કેવી રીતે બનાવાય ટેસ્ટી મૈસુર પાક..

સામગ્રી

1 કપ બેસન

2 કપ ઘી

2 કપ ખાંડ

1 કપ પાણી

બનાવવાની રીત

બેસનને ચાળીને બાજુમાં મૂકી રાખો. પાણીમાં ખાંડ નાખીને ગરમ કરી લો. જ્યારે એક તારની ચાસણી બની જાય પછી તેમા એક કપ જેટલું ઘી નાખો. હવે તાપ ધીમો કરીને ધીરે ધીરે ચાસણીમાં બેસન મિક્સ કરો અને સતત હલાવતા રહો જેથી ગાંઠ ન પડી જાય.

જ્યારે બેસન થોડુ ફૂલવા લાગે અને તેનો રંગ બદલાય ત્યારે તેમા બચેલુ ઘી નાખીને મિક્સ કરો. ઘી થોડુ થોડુ કરીને નાખતા જવું. બધુ ઘી મિક્સ થઈ જાય કે બેસન સતત હલાવો.

જ્યારે બેસનમાં જાળી જાળી દેખાવવા લાગે તો ત્યારે સમજી લેવું કે મૈસૂર પાક તૈયાર થઈ ગયો છે કોઈ પણ ટ્રેમાં ઘી લગાવીને ચિકણી કરી લો. પછી બેસનનું મિશ્રણ નાખીને ફેલાવી દો. જ્યારે મિશ્રણ ઠંડુ થઈ જાય ત્યારે ટુકડામાં કાપી લો.