World News : યુનાઇટેડ સ્ટેટ્સ અને તેના યુરોપિયન સાથી દેશો વચ્ચે વધી રહેલા રાજદ્વારી મતભેદો વચ્ચે ઇટાલીના વડા પ્રધાન જ્યોર્જિયા મેલોની (Malony)એ અમેરિકાના રાષ્ટ્રપતિ ડોનાલ્ડ ટ્રમ્પ (Donald Trump)ના તાજેતરના નિવેદનો પર કડક પ્રતિક્રિયા આપી છે. મેલોનીએ ટ્રમ્પના દાવાઓને નિરાધાર ગણાવીને કહ્યું કે જાહેર જીવનમાં સત્ય અને જવાબદારીનું મહત્વ જાળવવું જરૂરી છે.
ટ્રમ્પે દાવો કર્યો હતો કે G7 સમિટ (G7 Summit)દરમિયાન મેલોની (Malony)એ તેમની સાથે ફોટોગ્રાફ પડાવવા માટે ખાસ આગ્રહ કર્યો હતો
તાજેતરમાં ટ્રમ્પે દાવો કર્યો હતો કે G7 સમિટ (G7 Summit)દરમિયાન મેલોનીએ તેમની સાથે ફોટોગ્રાફ પડાવવા માટે ખાસ આગ્રહ કર્યો હતો. આ નિવેદન બાદ ઇટાલીમાં રાજકીય ચર્ચા તેજ બની ગઈ હતી.
જવાબમાં મેલોનીએ જણાવ્યું કે આવા નિવેદનો હકીકતથી દૂર છે અને સાથી દેશોના નેતાઓ અંગે આ પ્રકારની ટિપ્પણીઓ યોગ્ય નથી. તેમણે ભારપૂર્વક કહ્યું કે ઇટાલી પોતાની ગૌરવશાળી ઓળખ અને સ્વતંત્ર વિદેશ નીતિ માટે ઓળખાય છે અને કોઈપણ દબાણ સામે ઝૂકતું નથી.
મેલોની (Malony)એ વધુમાં કહ્યું કે આંતરરાષ્ટ્રીય સંબંધોમાં પરસ્પર સન્માન અને વિશ્વાસ સૌથી મહત્વપૂર્ણ છે. સાથી દેશો વચ્ચેના મતભેદો ચર્ચા દ્વારા ઉકેલવા જોઈએ, જાહેર અપમાન દ્વારા નહીં.
આ વિવાદ વચ્ચે ઇટાલી (Itali)ના નાયબ વડા પ્રધાન અને વિદેશ પ્રધાન એન્ટોનિયો તાજાનીએ પણ ટ્રમ્પની ટિપ્પણીઓની નિંદા કરી હતી. તેમણે જણાવ્યું કે આ નિવેદનો માત્ર મેલોની સામે નહીં પરંતુ સમગ્ર ઇટાલી પ્રત્યે અનાદર દર્શાવે છે. આ કારણે તેમણે પોતાની નિર્ધારિત અમેરિકી મુલાકાત રદ કરવાનો નિર્ણય લીધો હોવાનું જણાવ્યું.
વિશ્લેષકોનું માનવું છે કે આ ઘટના અમેરિકા અને તેના પરંપરાગત યુરોપિયન સાથીઓ વચ્ચે વધતા રાજકીય તણાવનું વધુ એક ઉદાહરણ બની શકે છે. જોકે બંને દેશો વચ્ચેના લાંબા ગાળાના સંબંધો યથાવત રહે તેવી શક્યતા વ્યક્ત કરવામાં આવી રહી છે.
