પશ્ચિમ બંગાળના મુખ્યમંત્રી મમતા બેનર્જીએ તેમના ભત્રીજા અભિષેક બેનર્જીની પત્નીની સીબીઆઈ પૂછપરછને લઈને ભાજપ પર નિશાન સાધ્યું છે. તેમણે વડા પ્રધાન નરેન્દ્ર મોદી માટે “દગાબાજ” અને “દાનવ” જેવા શબ્દોનો પણ ઉપયોગ કર્યો છે.
કોલકાતાના હુગલીમાં તૃણમૂલ કોંગ્રેસની રેલી દરમિયાન મમતાએ કહ્યું કે, “પીએમ નરેન્દ્ર મોદી દેશના સૌથી મોટા દગાબાજ છે”. દગાબાજ શબ્દનો ઉપયોગ ભાજપ દ્વારા તૃણમૂલ કોંગ્રેસ વિરુદ્ધ વપરાતા “તોલાબાઝ” શબ્દનો જવાબ માનવામાં આવે છે. બંગાળમાં ત્રણ મહિના પછી વિધાનસભાની ચૂંટણીઓ યોજાવાની છે અને ભાજપ અને ટીએમસી વચ્ચે યુદ્ધ વધુ તીવ્ર બન્યું છે.
મમતાએ એ પણ ઘોષણા કર્યુ કે યુએસના પૂર્વ રાષ્ટ્રપતિ ડોનાલ્ડ ટ્રમ્પથી પણ “ખરાબ નસીબ” તેમની રાહ જોઈ રહ્યું છે. ટ્રમ્પ નવેમ્બરમાં રાષ્ટ્રપતિની ચૂંટણી હારી ગયા. પશ્ચિમ બંગાળના મુખ્ય પ્રધાને કહ્યું કે વિધાનસભાની ચૂંટણીમાં તેઓ ગોલકીપરની મુખ્ય ભૂમિકામાં છે અને ભાજપ એક પણ ગોલ કરી શકશે નહીં. સી.બી.આઇ. દ્વારા અભિષેક બેનર્જીની પત્ની રૂજીરાની પૂછપરછના એક દિવસ બાદ મમતાએ કરેલો આ ભયંકર હુમલો છે.
આ પૂછપરછ કોલસા માફિયાઓ પાસેથી લાંચ લેવાના આરોપો પર કરવામાં આવી હતી. આ મામલે અભિષેક બેનર્જીની સાળીને પણ સવાલ અને જવાબો કરવામાં આવ્યા છે. મુખ્યમંત્રીએ સવાલ ઉઠાવ્યો કે તમે મને મારી શકો છો, મને થપ્પડ મારી શકો છો, પરંતુ શું તમે કોઈ મહિલાનું અપમાન કરી શકો છો. મારા ઘરની પુત્રવધૂનું અપમાન કરી તેને કોલસા ચોર કહે છે? મમતાએ કહ્યું, “શું તમે તમારા ઘરની માતાઓ અને બહેનોને કોલસા ચોર કહેશો. તમે નિર્દોષ નથી. આપણે બધા જાણીએ છીએ, પણ તે કંઈ નહીં બોલે, કેમ કે એમ કહેવાનું બધું જ મારા નિયંત્રણમાં છે.”
