Panchmahal News: પંચમહાલ (Panchmahal) જિલ્લાના શહેરા (Shahera) તાલુકામાં એક ચોંકાવનારી ઘટના પ્રકાશમાં આવી છે. બે દિવસ પહેલા કુડલા ગામના રંજન પટેલનો મૃતદેહ ડુમેલાવ ગામના જંગલોમાં આવેલા ખેતરના તળાવમાંથી મળી આવ્યો હતો. પોલીસ તપાસમાં ખુલાસો થયો કે આ હત્યા (Murder) માતરિયા ગામના ભુવા દિલીપ ડામોરે કરી હોવાનું સામે આવ્યું હતું.
પ્રાપ્ત માહિતી અનુસાર, એક વર્ષ પહેલા રામાપીર ઉત્સવ દરમિયાન રંજનબેન અને તેમના પતિ કેવલભાઈ મહાસુખભાઈ આરોપી દિલીપના ઘરે આવવા જવાનું રહેતું હતું. આ સમય દરમિયાન રંજનબેન અને આરોપી દિલીપ વચ્ચે પ્રેમ સંબંધ (Love Affair) બંધાયો હતો. બંને ફોન પર વાત કરતા હતા અને રાત્રે કુડલા અને ડુમેલાવ ગામના જંગલોમાં મળતા હતા. રંજનબેનનો છેલ્લા એક મહિનાથી પતિ સાથે ઝઘડો ચાલી રહ્યો હતો. એટલા માટે તે તેના પ્રેમી દિલીપ સાથે રહેવા માંગતી હતી. પરંતુ, દિલીપને આ મંજૂર નહોતું. આ સમસ્યાનો અંત લાવવાના બહાને તેણે રંજનબેનને ડુમેલાવ ગામમાં બોલાવી હતી. ત્યાં તેણે ઘરેથી લાવેલા સાયકલના બ્રેક વાયરનો ફાંસો લગાવીને રંજનબેનની હત્યા કરી દીધી હતી.
મળતી માહિતી મુજબ, આરોપીને મૃતક મહિલા સાથે પ્રેમ સંબંધ હતો. જોકે, તે પરિણીત (Married) હતો, તેથી તે સાથે રહેવા માંગતો ન હતો. પરંતુ, મહિલા વારંવાર તેના પતિને છોડીને આરોપી સાથે રહેવાનો પ્રયાસ કરી રહી હતી. આનાથી કંટાળીને, આરોપી ભુવાએ તેણીને રાત્રે મળવાના બહાને બોલાવી અને તેનું ગળું દબાવીને હત્યા (Murder) કરી દીધી. આરોપી વ્યવસાયે ભુવો હતો અને ધાર્મિક વિધિઓ માટે નાળિયેર અને ફૂલોના માળા જેવી વસ્તુઓ પોતાની સાથે રાખતો હતો. જોકે, તપાસમાં એવું બહાર આવ્યું નથી કે કોઈ ધાર્મિક વિધિ કરવામાં આવી હતી અને હત્યા કરવામાં આવી હતી.
આરોપી દિલીપ ગલાભાઈ ડામોરની પૂછપરછ દરમિયાન ગુનો કબૂલ કરતાં કહ્યું, “એક વર્ષ પહેલાની વાત છે. આ રંજનબેન અને તેનો પતિ રામાપીરના પાટ માટે મારા ઘરે આવતા હતા. તે દરમિયાન હું રંજનબેનને મળ્યો હતો, હું રંજનબેનને આર્થિક મદદ પણ કરતો હતો. અમારા પ્રેમ સંબંધ શરૂ થયા પછી, અમે ફોન પર એકબીજા સાથે વાત કરતા હતા. અમે રાત્રે કુડલા અને ડુમેલાવ ગામના જંગલમાં એકલા ખુશીથી મળતા હતા. રંજનબેન તેના પતિ સાથે રહેવાનો ઇનકાર કરતી હતી. તે ફક્ત એક જ વાત કહેતી હતી, તું મને લઈ જા, તું મને લઈ જા. પરંતુ, હું તેને લઈ જવા માંગતો ન હતો, તેથી મેં મારા ઘરેથી મારા દીકરાની તૂટેલી સાયકલનો બ્રેક વાયર લીધો અને તેને ડુમેલાવ ગામમાં બોલાવી, જ્યાં અમે દરરોજ રાત્રે મળતા હતા. જ્યાં મેં તેના ગળામાં સાયકલનો બ્રેક વાયર બાંધીને તેની હત્યા કરી હતી.
આ પણ વાંચો:શાહજહાંપુરમાં પિતાએ પોતાનાજ 4 બાળકોના ગળા કાપીને પોતે કરી આત્મહત્યા
આ પણ વાંચો:અમદાવાદમાં પોલીસકર્મીઓ ખાટલા પર સૂતા રહી ગયા અને થોડે દૂર હત્યા થઈ ગઈ, વિડીયો થયો વાયરલ
આ પણ વાંચો:અમદાવાદમાં સાબરમતી રિવરફ્રન્ટ પર ખાનપુર પાસે પ્રેમીપંખીડાની આત્મહત્યા
