Sports News: મુંબઈ ઈન્ડિયન્સ (Mumbai Indians) vs રોયલ ચેલેન્જર્સ બેંગ્લોર (Royal Challengers Banglore) IPL 2025 ની 20મી મેચ આજે એટલે કે સોમવાર, 7 એપ્રિલના રોજ મુંબઈના વાનખેડે સ્ટેડિયમ (Wankhede stadium) ખાતે રમાશે. MI vs RCB મેચ ભારતીય સમયાનુસાર સાંજે 7:30 વાગ્યે શરૂ થશે, જ્યારે ટોસ અડધો કલાક વહેલો થશે. આજની મેચ કોણ જીતશે એ ચાહકોના મનમાં મોટો પ્રશ્ન છે. હકીકતમાં, હાર્દિક પંડ્યાની આગેવાની હેઠળની મુંબઈ ઈન્ડિયન્સનું ફોર્મ આ સિઝનમાં બહુ સારું રહ્યું નથી, જ્યારે રોયલ ચેલેન્જર્સ બેંગ્લોર 10 વર્ષથી વાનખેડે પર જીતી શક્યું નથી.

MI vs RCB 

જો આપણે મુંબઈ ઈન્ડિયન્સ (Mumbai Indians) અને રોયલ ચેલેન્જર્સ બેંગ્લોર (Royal Challengers Banglore) વચ્ચેના હેડ ટુ હેડ રેકોર્ડ પર નજર કરીએ તો, બંને ટીમો વચ્ચે અત્યાર સુધીમાં કુલ 33 મેચ રમાઈ છે જેમાં MI એ 19 મેચ જીતીને વર્ચસ્વ જાળવી રાખ્યું છે. જ્યારે RCB એ મુંબઈ સામે 14 મેચ જીતી છે.

આજની મેચ વાનખેડે સ્ટેડિયમમાં રમાશે, તેથી અહીંનો રેકોર્ડ પણ ઘણો મહત્વ ધરાવે છે. RCB એ છેલ્લે 2015માં મુંબઈને તેમના જ ગઢમાં હરાવ્યું હતું. આ પછી, એમઆઈએ તેમને આ મેદાન પર સતત 6 વખત હરાવ્યું છે. આ રેકોર્ડ્સ જોતાં, આજે MIનો હાથ ઉપર હોય તેવું લાગે છે.

પોઇન્ટ ટેબલમાં MI અને RCBનું સ્થાન શું છે?

હાર્દિક પંડ્યાની આગેવાની હેઠળની મુંબઈ ઈન્ડિયન્સે આ સિઝનમાં અત્યાર સુધીમાં 4 મેચ રમી છે જેમાં તેઓ ફક્ત 1 મેચ જીતી શક્યા છે. તેણે વાનખેડે મેદાન પર જ કોલકાતા નાઈટ રાઈડર્સ સામે આ જીત મેળવી હતી . આ ઉપરાંત, મુંબઈ ઈન્ડિયન્સ ચેન્નાઈ સુપર કિંગ્સ, ગુજરાત ટાઇટન્સ અને લખનૌ સુપર જાયન્ટ્સ સામે હારી ગયું છે. મુંબઈ પોઈન્ટ ટેબલમાં 8મા સ્થાને છે.

રોયલ ચેલેન્જર્સ બેંગ્લોર વિશે વાત કરીએ તો, તેમની અત્યાર સુધીની સફર ખૂબ જ અદ્ભુત રહી છે. RCB 3 માંથી 2 મેચ જીતીને પોઈન્ટ ટેબલમાં ત્રીજા સ્થાને છે. જો બેંગલુરુ આજે મુંબઈને હરાવવામાં સફળ થાય છે, તો તે પોઈન્ટ ટેબલમાં પણ પ્રથમ સ્થાન મેળવી શકે છે.

આ પણ વાંચો:ગુજરાત ટાઇટન્સની વિજયી આગેકૂચ જારી, સનરાઇઝર્સ હૈદરાબાદને હરાવ્યું

આ પણ વાંચો:CSK vs GT Live Score: ચેન્નાઇએ ગુજરાતને 63 રનથી હરાવ્યું

આ પણ વાંચો:IPL દરમિયાન ઓસ્ટ્રેલિયા vs ભારત ટેસ્ટ સિરીઝનું શેડ્યૂલ જાહેર, ડે-નાઈટ મેચ પણ છે સામેલ