ODI વર્લ્ડ કપની પ્રથમ આવૃત્તિ વર્ષ 1975માં રમાઈ હતી. હવે તેની 13મી આવૃત્તિ ભારતમાં 5 ઓક્ટોબર 2023થી શરૂ થવા જઈ રહી છે. આ ટુર્નામેન્ટના ઈતિહાસમાં સૌથી સફળ ટીમ ઓસ્ટ્રેલિયા છે, જેણે 12માંથી પાંચ વખત વર્લ્ડ કપનો ખિતાબ જીત્યો છે. હવે આ ટુર્નામેન્ટના ઈતિહાસમાં સૌથી વધુ મેચ રમનાર ખેલાડીઓની યાદી જોઈએ:-
1- ઓસ્ટ્રેલિયાનો રિકી પોન્ટિંગ આ યાદીમાં ટોચ પર છે જેણે 1999, 2003 અને 2007માં ત્રણ વનડે વર્લ્ડ કપ જીત્યા હતા. તેમાંથી તેણે કેપ્ટન તરીકે 2003 અને 2007માં બંને વર્લ્ડ કપ જીત્યા હતા. તે ODI વર્લ્ડ કપના ઈતિહાસમાં સૌથી વધુ કેપ મેળવનાર ખેલાડી છે. તેણે આ ટૂર્નામેન્ટમાં કુલ 46 મેચ રમી હતી.
2- ક્રિકેટના ભગવાન કહેવાતા માસ્ટર બ્લાસ્ટર સચિન તેંડુલકર આ યાદીમાં બીજા ક્રમે છે. તેણે આ ટૂર્નામેન્ટના ઈતિહાસમાં સૌથી વધુ 2278 રન બનાવ્યા છે. તે ભારતની 2011 વર્લ્ડ કપ વિજેતા ટીમનો ભાગ હતો. તેણે આ ટૂર્નામેન્ટમાં કુલ 45 મેચ રમી હતી.
3- શ્રીલંકાના બે દિગ્ગજ ક્રિકેટરો આ યાદીમાં સંયુક્ત રીતે ત્રીજા સ્થાને છે. સુપ્રસિદ્ધ બોલર મુથૈયા મુરલીધરન અને અનુભવી શ્રીલંકાના બેટ્સમેન મહેલા જયવર્ધને ODI વર્લ્ડ કપ ઈતિહાસમાં શ્રીલંકા માટે કુલ 40-40 મેચ રમી છે.
4- 1996 થી 2007 સુધી ચાર વનડે વર્લ્ડ કપ રમનાર ઓસ્ટ્રેલિયાના ગ્લેન મેકગ્રાએ આ ટૂર્નામેન્ટમાં સૌથી વધુ 71 વિકેટ લીધી છે. તે ઓસ્ટ્રેલિયા માટે 1999, 2003 અને 2007માં ત્રણ વખત વર્લ્ડ કપ વિજેતા ટીમનો ભાગ હતો. તેણે આ ટૂર્નામેન્ટના ઈતિહાસમાં કુલ 39 મેચ રમી છે.
5- આ યાદીમાં બે ખેલાડીઓ સંયુક્ત રીતે પાંચમા સ્થાને હાજર છે. પાકિસ્તાનના વસીમ અકરમ અને શ્રીલંકાના અનુભવી ખેલાડી સનથ જયસૂર્યાએ ODI વર્લ્ડ કપના ઈતિહાસમાં કુલ 38-38 મેચો રમી હતી. અકરમ પાકિસ્તાનની 1992ની વિશ્વ વિજેતા ટીમનો મુખ્ય ભાગ હતો. આ સાથે જ જયસૂર્યાએ 1996માં શ્રીલંકાને ચેમ્પિયન બનાવવામાં મહત્વની ભૂમિકા ભજવી હતી.
આ પણ વાંચો:રોહિત શર્મા T20માંથી નિવૃત્તિ નહીં લે! 2024માં યોજાનારા વર્લ્ડ કપમાં રમવા પર કહી આ મોટી વાત
આ પણ વાંચો:ODI કપ ડેબ્યૂમાં જ વિચિત્ર રીતે આઉટ થયો પૃથ્વી શો, જુઓ ફની વીડિયો
આ પણ વાંચો: ઋષભ પંત પર આવી સૌથી મોટી અપડેટ, નેટ્સમાં કરી રહ્યો છે દમદાર પ્રેકિટસ
આ પણ વાંચો:“આ 4 ટીમો 2023 વર્લ્ડ કપની સેમિફાઇનલ રમશે”, ઓસ્ટ્રેલિયન દિગ્ગજની આગાહી
