મુંબઇએ IPL 2021 ની 42 મી મેચમાં સૌરભ તિવારી (45) ની શાનદાર ઇનિંગ અને હાર્દિક પંડ્યા (અણનમ 40) અને કિરોન પોલાર્ડ (15) ની અણનમ 45 રનની ભાગીદારીના કારણે પંજાબને છ વિકેટે હરાવ્યું હતું. અબુ ધાબીના શેખ ઝાયદ સ્ટેડિયમમાં રમાયેલી આ મેચમાં પંજાબે ટોસ હારીને પ્રથમ બેટિંગ કરતા એઈડન માર્કરમ (42) અને દીપક હુડા (28) ની શાનદાર અડધી સદીની ભાગીદારીને કારણે છ વિકેટના નુકસાન પર 135 રન બનાવ્યા હતા.જવાબમાં મુંબઈ ઈન્ડિયન્સની ટીમે છ બોલ બાકી રહેતા 137 રન બનાવીને મેચ જીતી લીધી હતી. ઉલ્લેખનીય છે કે સતત ત્રણ હાર બાદ મુંબઈની આ પ્રથમ જીત છે. આ જીત સાથે મુંબઈની ટીમ 10 પોઈન્ટ સાથે ટેબલમાં પાંચમા સ્થાને પહોંચી ગઈ છે. આ સાથે જ પંજાબની ટીમ આઠ પોઈન્ટ સાથે છઠ્ઠા સ્થાને છે.