- અમદાવાદમાં નબીરા એ કર્યો અકસ્માત
- ફૂલ સ્પીડમાં કાર ચલાવી 4 લારીઓ સાથે કર્યો અકસ્માત
- નબીરાએ સ્ટિયરિંગ પરથી કાબૂ ગુમાવ્યો
- અકસ્માતમાં એક યુવક અને બાળકી ગંભીર રીતે ઘાયલ
- નબીરા સમ્ય મહેતાની પોલીસ કરી ધરપકડ
- બી ડિવિઝન ટ્રાફિક પોલીસ આરોપીની કરી ધરપકડ
અમદાવાદની એચએલ કોલેજ નજીક નબીરાએ ધોળા દિવસે આતંક મચાવ્યાનું સામે આવ્યું છે. નબીરાએ પૂરપાટ ઝડપે કાર ચલાવી 3 લારી ઉડાડી હતી તેમજ રસ્તા પર જતી એક બાળકી અને યુવકને અડફેટે લીધા હતા, આથી બન્નેને ગંભીર ઇજા પહોંચતાં સારવાર માટે હોસ્પિટલ ખસેડાયાં છે. સદનસીબે ભીડ ઓછી હોવાથી તથ્ય પટેલવાળી થતાં અટકી હતી અને લોકોએ રાહતનો શ્વાસ લીધો હતો.આ અકસ્માતમાં ઈજાગ્રસ્ત બાળકી અને યુવકને સારવાર માટે સોલા સિવિલ ખસેડાયાં છે. બનાવની જાણ થતાં પોલીસે સ્થળ પર પહોંચીને કાર્યવાહી શરૂ કરી હતી.પોલીસે સત્વરે કાર્યવાહી કરીને નબીરા સમ્યની ધરપકડ કરી હતી.
ઉલ્લેખનીય છે કે એચ.એલ. કોલેજ પાસે રોડ યુવાઓથી ધમધમતો રહે છે તેમજ રોડ પર ખાણીપીણીની લારીઓ પણ ઊભી રહે છે, પરંતુ આજે એક નબીરો પૂરપાટ ઝડપે કાર ચલાવતો આવતો હતો, જોકે તેણે સ્ટીયરિંગ પરથી કાબૂ ગુમાવતાં કાર રોડ પર ઊભી રહેલી 3 લારી સાથે અથડાવી હતી તેમજ રસ્તા પર જતી બાળકી અને યુવકને પણ ફંગોળ્યા હતા. બનાવની જાણ થતાં ટ્રાફિક-પોલીસ ઘટનાસ્થળે પહોંચી હતી.ટ્રાફિક-પોલીસે ક્રેન વડે અકસ્માત કરનારી ગાડીને ટોઈંગ કરી હતી. કારચાલક સામે ગુનો નોંધવાની તજવીજ શરૂ કરવામાં આવી છે. સદનસીબે લોકોની ભીડ ઓછી હોવાથી તથ્ય પટેલે કરેલા અકસ્માત જેવો અકસ્માત થતાં રહી ગયો હતો. સમગ્ર મામલે ટ્રાફિક-પોલીસે આરોપી સમ્ય મેહતાની ધરપકડ કરી કાર્યવાહી હાથ ધરી છે.
