નવી દિલ્હી,
ઓરિસ્સાના દરિયા કિનારે બેલસ્ટિક મિસાઈલ અગ્નિ-૫નું સફળ પરીક્ષણ કરવામાં આવ્યું છે. આ પરીક્ષણ સોમવાર બપોરે ૧ વાગ્યા અને ૩૦ મિનિટે કરવામાં આવ્યું હતું.
અગ્નિ-૫ મિસાઈલનું આ સાતમું સફળ પરીક્ષણ છે. આ બેલેસ્ટિક મિસાઈલની મારક ક્ષમતા ૫૫૦૦ કિલોમીટર છે અને તેની રડારમાં પાડોશી દુશ્મન દેશ પાકિસ્તાન, ચીન તેમજ યુરોપના અમુક ભાગ આવી જાય છે.
અગ્નિ-૫ ટેકનોલોજીના મામલામાં સૌથી એડવાન્સ મિસાઈલ છે, જેમાં નેવિગેશન, વોરહેડ અને એન્જિનની અત્યાધુનિક સુવિધાઓ છે.
ડિફેન્સ રિસર્ચ એન્ડ ડેવલપમેન્ટ ઓર્ગેનાઇઝેશન (DRDO) દ્વારા બનાવવામાં આવેલા અગ્નિ-૫ મિસાઇલ ઇન્ટીગ્રેટેડ ગાઈડેડ મિસાઈલ ડેવલોપમેન્ટના પ્રોગ્રામનો એક ભાગ છે. મહત્વનું છે કે, આ પહેલા પણ ૨૦૧૨,૨૦૧૩,૨૦૧૫ અને ૨૦૧૬માં મિસાઈલનું પરીક્ષણ સફળતા પૂર્વક થઇ ચુકયું છે.
અગ્નિ-૫ના સફળ પરીક્ષણ બાદ ઇન્ટરકોન્ટીનેન્ટલ બલાસ્ટીક મિસાઈલ ધરાવતા દેશો અમેરિકા, બ્રિટન, ફ્રાંસ, ચીનમાં ભારત પણ શામેલ થઇ ગયું છે.
અગ્નિ-૫ મિસાઇલ ૧૫ મીટર લાંબી અને ૧૨ ટન જેટલું વજન ધરાવે છે.જે એક ક્વીન્ટલ જેટલો પરમાણુંનો ભાર ઉપાડી શકે છે.