નવી દિલ્હી,
દિલ્લી કોંગ્રેસના પ્રદેશ અધ્યક્ષ પદેથી અજય માકને રાજીનામું આપી દીધા બાદ આ પળને લઈ ઘણી અટકળો સામે આવી રહી હતી, પરંતુ હવે આ તમામ અટકળો પર પૂર્ણવિરામ મુકાયું છે.
પૂર્વ મુખ્યમંત્રી અને પાર્ટીના વરિષ્ઠ નેતા શીલા દીક્ષિતને દિલ્હી કોંગ્રેસના પ્રદેશ અધ્યક્ષ તરીકેની કમાન સોંપવામાં આવી છે.
PC Chacko, Congress: Sheila Dikshit appointed Delhi Congress President. Devendra Yadav, Rajesh Lilothia, Haroon Yusuf appointed working presidents. pic.twitter.com/t5JHm57lAh
— ANI (@ANI) January 10, 2019
દિલ્હી કોંગ્રેસના પ્રભારી પી સી ચાકુએ પ્રદેશ કોંગ્રેસ તરીકે શીલા દીક્ષિતના નામની ઘોષણા કરી હતી. જો કે ત્યારબાદ અજય માકને નવા પ્રદેશ કોંગ્રેસ અધ્યક્ષને ટ્વિટ કરીને શુભકામનાઓ આપી છે.
शीला दीक्षित जी को पुन: प्रदेश कांग्रेस अध्यक्ष बनने पर बधाई व शुभकामनाएँ!
उनके आधीन,मुझे संसदीय सचिव एवं कैबिनेट मंत्री के रूप में काम करके सीखने का सुअवसर मिला!
मुझे विश्वास है कि शीला जी की अगुआई में हम,मोदी+केजरीवाल सरकारों के विरोध में एक सशक्त विपक्ष की भूमिका निभाएँगे! pic.twitter.com/lFxuG2ScRE
— Ajay Maken (@ajaymaken) January 10, 2019
તેઓએ શીલા દીક્ષિતને શુભેચ્છા આપતા કહ્યું, “તેઓ પુનઃ પ્રદેશ કોંગ્રેસ અધ્યક્ષ બનાવવા માટે શુભકામનાઓ. તેઓના નેતૃત્વ હેઠળ મને સંસદીય સચિવ તેમજ કેબિનેટ મંત્રીના રૂપમાં કામ શીખવાનો સારો અવસર મળ્યો હતો”.
માકને વધુમાં જણાવ્યું, “મને વિશ્વાસ છે કે, શીલા જીના નેતૃત્વમાં અમે મોદી, કેજરીવાલ સરકારોના વિરોધમાં એક સશક્ત વિપક્ષની ભૂમિકા નિભાવીશું”.
આ પહેલા ૪ જાન્યુઆરીના રોજ અજય માકને દિલ્હી કોંગ્રસના અધ્યક્ષ પદેથી રાજીનામું આપ્યું હતું. તેઓએ ખરાબ સ્વાસ્થ્યને લીધે આ રાજીનામું આપ્યું હતું.
