Helicopter Crash થતાં,જમીન પર પડતાની સાથે જ એક હેલિકોપ્ટરમાં

US News: અમેરિકાના ન્યૂ જર્સી રાજ્યમાં રવિવારે હેલિકોપ્ટર ક્રેશ (Helicopter Crash) થયો હતો. એક શહેરની ઉપર હવામાં બે હેલિકોપ્ટર એકબીજાને અથડાતા એક પાઈલેટનું મોત થયું હતું, જ્યારે અન્ય એક વ્યક્તિ ગંભીર રીતે ઘાયલ થયો હતો. આ ઘટનાએ સમગ્ર વિસ્તારમાં અફરાતફરી મચાવી દીધી હતી અને તાત્કાલિક રાહત અને બચાવ કામગીરી શરૂ કરવામાં આવી હતી.

હેમોન્ટન શહેર નજીક થયો હેલિકોપ્ટર ક્રેશ (Helicopter Crash)

સ્થાનિક પોલીસના જણાવ્યા અનુસાર, આ દુર્ઘટના ન્યૂ જર્સીના હેમોન્ટન શહેર નજીક બની હતી. હેમોન્ટન એટલાન્ટિક સિટી એક્સપ્રેસવે નજીક આવેલું છે અને ફિલાડેલ્ફિયા (પેન્સિલવેનિયા)થી લગભગ 35 માઈલ દક્ષિણ-પૂર્વમાં સ્થિત છે. હેલિકોપ્ટર અથડાયા (Helicopter collided) બાદ તેમાંનું એક જમીન પર તૂટી પડ્યું હતું અને આગની જ્વાળાઓમાં લપેટાઈ ગયું હતું.

હેલિકોપ્ટર ક્રેશ (Helicopter Crash), આગની જ્વાળાઓમાં લપેટાયું

હેલિકોપ્ટર ક્રેશ (Helicopter Crash)અંગે હેમોન્ટન પોલીસ વિભાગે જણાવ્યું હતું કે, જમીન પર પડતાની સાથે જ એક હેલિકોપ્ટર (Helicopter) માં આગ લાગી ગઈ હતી. ઘટનાસ્થળે કટોકટી સેવાઓ તાત્કાલિક પહોંચી ગઈ હતી અને આગ પર કાબૂ મેળવવા માટે ફાયર બ્રિગેડ દ્વારા પ્રયાસો કરવામાં આવ્યા હતા. આગની તીવ્રતાને કારણે બચાવ કાર્યમાં મુશ્કેલી સર્જાઈ હતી.

JUST IN:

:A helicopter loses control, spinning violently before crashing in Hammonton, New Jersey. pic.twitter.com/koadfAnqka

— ® (@Alpha7021) December 28, 2025

એક પાઈલેટનું મોત , એક ગંભીર રીતે ઘાયલ

પોલીસના જણાવ્યા અનુસાર, હેલિકોપ્ટર (Helicopter)માં સવાર એક પાઈલેટનું ઘટનાસ્થળે જ મોત થયું હતું. જ્યારે અન્ય એક વ્યક્તિને “ગંભીર અને જીવલેણ ઇજાઓ” સાથે નજીકની હોસ્પિટલમાં ખસેડવામાં આવ્યો હતો. હાલ તેની સ્થિતિ ગંભીર હોવાનું જણાવાયું છે અને તબીબી ટીમ દ્વારા સતત દેખરેખ રાખવામાં આવી રહી છે.

બંને હેલિકોપ્ટર (Helicopter) માં માત્ર પાયલોટ સવાર

ફેડરલ એવિએશન એડમિનિસ્ટ્રેશન (FAA) એ એક નિવેદનમાં જણાવ્યું હતું કે, બંને હેલિકોપ્ટર(Helicopter) માં માત્ર પાયલોટ જ સવાર હતા. કોઈ મુસાફર હાજર ન હોવાને કારણે વધુ જાનહાનિ ટળી હતી. FAA એ સ્પષ્ટ કર્યું છે કે, આ અકસ્માતનું ચોક્કસ કારણ જાણવા માટે ફેડરલ સ્તરની તપાસ શરૂ કરવામાં આવશે.

MID-AIR HELICOPTER COLLISION SPARKS EMERGENCY RESPONSE IN NEW JERSEY

Two helicopters reportedly collided midair and crashed near Hammonton, triggering a large emergency response. Witnesses described flames and thick smoke rising from the crash site.

Law enforcement and… pic.twitter.com/djgyuEWYFG

— Info Room (@InfoR00M) December 28, 2025

NTSB દ્વારા અકસ્માતની વિગતો જાહેર

નેશનલ ટ્રાન્સપોર્ટેશન સેફ્ટી બોર્ડ (NTSB) ના જણાવ્યા અનુસાર, આ અકસ્માતમાં એન્સ્ટ્રોમ 280 સી હેલિકોપ્ટર(Helicopter) અને એન્સ્ટ્રોમ એફ-28 એ હેલિકોપ્ટર સામેલ હતા. આ અકસ્માત રવિવારે સવારે લગભગ 11:25 ઇસ્ટર્ન સ્ટાન્ડર્ડ ટાઈમ (EST) એટલે કે 16:25 GMT આસપાસ થયો હતો. બંને હેલિકોપ્ટર(Helicopter) હળવા વજનના ગણાય છે અને સામાન્ય રીતે ત્રણ કે તેથી ઓછા લોકોને લઈ જવા માટે બનાવવામાં આવ્યા હોય છે.

અગાઉ પણ થયો હતો મોટો હવાઈ અકસ્માત

હેલિકોપ્ટર ક્રેશ (Helicopter Crash)માં ઉલ્લેખનીય છે કે, આ વર્ષના જાન્યુઆરી મહિનામાં પણ અમેરિકાની રાજધાની વોશિંગ્ટન ડી.સી.માં એક ગંભીર હવાઈ દુર્ઘટના સર્જાઈ હતી. તે સમયે એક લશ્કરી હેલિકોપ્ટર (Helicopter) પેસેન્જર જેટ સાથે અથડાયું હતું, જેમાં કુલ 67 લોકોના મોત થયા હતા. આ ઘટનાએ સમગ્ર અમેરિકામાં હવાઈ સુરક્ષા અંગે ચિંતા વધારી હતી.

FAAના આંકડા શું કહે છે?

FAAના તાજેતરના આંકડાઓ અનુસાર, છેલ્લા ત્રણ વર્ષ દરમિયાન અમેરિકામાં ઘાતક હેલિકોપ્ટર (Helicopter) અકસ્માતોની સરેરાશ સંખ્યામાં ઘટાડો નોંધાયો છે. છતાં, આ પ્રકારની ઘટનાઓ ફરી ફરી બનતી રહેતા હવાઈ સુરક્ષા અને ટ્રાફિક નિયંત્રણ પ્રણાલી પર પ્રશ્નો ઊભા થઈ રહ્યા છે.

તપાસ બાદ ખુલશે અકસ્માતનું સાચું કારણ

હાલ FAA અને NTSB દ્વારા સંયુક્ત તપાસ હાથ ધરવામાં આવી છે. રડાર ડેટા, પાયલોટ્સની તાલીમ, હવામાન સ્થિતિ અને ટેકનિકલ ખામીઓ સહિત તમામ પાસાઓની તપાસ કરવામાં આવશે. તપાસ પૂર્ણ થયા બાદ જ સ્પષ્ટ થશે કે આ ભયાનક અકસ્માત માટે માનવીય ભૂલ જવાબદાર હતી કે ટેકનિકલ ખામી.