દેશની રાજધાની નવી દિલ્હીમાં શુક્રવારે સોનાના ભાવ 128 રૂપિયા વધીને 46,353 રૂપિયા પ્રતિ 10 ગ્રામ થયા હતા. છેલ્લા ટ્રેડિંગ સત્રમાં સોનું રૂ .46,225 પ્રતિ 10 ગ્રામ પર ટ્રેડ થયું હતું. HDFC સિક્યોરિટીઝના સિનિયર કોમોડિટી એનાલિસ્ટ જણાવ્યું હતું કે કોમેક્સમાં સોનાનો ઊંચા ભાવે વેપાર થયો હતો. આ જ કારણ હતું કે સ્થાનિક બુલિયન બજારમાં પણ સોનાના ભાવમાં વધારો જોવા મળ્યો હતો.
આંતરરાષ્ટ્રીય બજારમાં સોનું પ્રતિ ઔસ 1,786 ડોલર છે
સ્થાનિક બુલિયન બજારમાં શુક્રવારે ચાંદીના ભાવ નજીવા રૂ .6 વધીને રૂ .60,897 પ્રતિ કિલો થયા હતા. છેલ્લા ટ્રેડિંગ સેશનમાં ચાંદીનો ભાવ રૂ .60,891 પ્રતિ કિલો હતો. શુક્રવારે પ્રારંભિક વેપારમાં અમેરિકી ડોલર સામે ભારતીય રૂપિયો 20 પૈસા નબળો પડ્યો હતો. એક ડોલરની કિંમત 74.44 રૂપિયા હતી. આંતરરાષ્ટ્રીય બજારમાં સોનાના ભાવ વધીને 1,786 ડોલર પ્રતિ ઔસ થઈ ગયા છે. બીજી બાજુ ચાંદીના ભાવ 23.23 ડોલર પ્રતિ ઔસ પર સ્થિર રહ્યા હતા.
