કોંગ્રેસ સાંસદ રાહુલ ગાંધી આ દિવસોમાં ભારતીય જનતા પાર્ટી (BJP)ના નિશાના પર છે. લંડનમાં ભારતના લોકતંત્ર પરના તેમના નિવેદન બદલ ભાજપ તેમની પાસેથી માફી માંગે તેવી માંગ કરી રહી છે. વિદેશ મંત્રી એસ જયશંકરની અધ્યક્ષતામાં ભારતની G-20 અધ્યક્ષતા પરની સલાહકાર સમિતિની બેઠકમાં રાહુલે આ સમગ્ર વિવાદ પર વિગતવાર વાત કરી. સૂત્રોએ જણાવ્યું કે રાહુલ ગાંધીએ તેમની લંડનની મુલાકાત દરમિયાન કરેલી ટિપ્પણી અંગે સ્પષ્ટતા કરી હતી. તેમણે કહ્યું કે તેમણે અન્ય કોઈ દેશને આ મામલે હસ્તક્ષેપ કરવા માટે કહ્યું નથી.
કોંગ્રેસના પૂર્વ રાષ્ટ્રીય અધ્યક્ષે કહ્યું કે તેમણે માત્ર ભારતની લોકશાહી વિશે પ્રશ્નો ઉઠાવ્યા હતા અને ત્યાં હાજર નેતાઓને કહ્યું હતું કે તેઓ માને છે કે આ આંતરિક મામલો છે અને તેઓ તેને ઉકેલશે. કોંગ્રેસ સાંસદે કહ્યું કે ભાજપ જે રીતે દાવો કરી રહી છે તે રીતે હું બોલ્યો નથી.
બેઠકના પ્રારંભિક સત્ર દરમિયાન રાહુલ ગાંધીએ કોઈ ટિપ્પણી કરી ન હતી. જોકે બાદમાં તેમણે વિવિધ વિષયો પર પોતાના વિચારો વ્યક્ત કર્યા હતા. રાહુલ ગાંધીની ટિપ્પણીનો ભાજપના સાંસદોએ વિરોધ કરતા કહ્યું કે આ વિષય પર બોલવા માટે આ યોગ્ય મંચ નથી. આ દરમિયાન કોંગ્રેસના સાંસદો અને ભાજપના સાંસદો વચ્ચે ઉગ્ર બોલાચાલી પણ થઈ હતી.
સમિતિના અધ્યક્ષ વિદેશ મંત્રી એસ જયશંકરે રાહુલ ગાંધીને અટકાવ્યા અને કહ્યું કે તેમણે આજના વિષય પર જ બોલવું જોઈએ.
બીજેપી સાંસદોએ કહ્યું કે જ્યારે ચર્ચા ચાલી રહી હતી ત્યારે ઘણા લોકો ભારતને G-20 અધ્યક્ષપદ મેળવવાના મુદ્દા પરથી ધ્યાન હટાવવાનો પ્રયાસ કરી રહ્યા હતા. કોંગ્રેસ પર સવાલો ઉઠાવતા ભાજપે કહ્યું કે ઇમરજન્સી ભારતની લોકશાહી પર સૌથી મોટો ધબ્બો હતો.
રાહુલ ગાંધીએ છેલ્લે કહ્યું હતું કે કેટલાક સાંસદોએ સંદર્ભ બહારની વાત કરી હતી અને તે બધાને જવાબ આપશે. વિદેશ મંત્રી જયશંકરે તેમને અટકાવ્યા અને કહ્યું કે બેઠકના વિષય પર ચર્ચા થવી જોઈએ અને માત્ર રાજકીય બાબતો પર નહીં. વિદેશ મંત્રીએ તેમને એમ પણ કહ્યું કે તેઓ સંસદમાં જે કહેવા માગે છે તે કહી શકે છે.
સલાહકાર સમિતિની બેઠકમાં કોંગ્રેસના સાંસદ શશિ થરૂર, તૃણમૂલ કોંગ્રેસના સાંસદ શત્રુઘ્ન સિંહા અને શિવસેના (UBT)ના નેતા પ્રિયંકા ચતુર્વેદી હાજર રહ્યા હતા. બેઠકમાં ભાગ લેનારા ભાજપના સાંસદોમાં જીવીએલ નરસિમ્હા રાવ, ડીટી રાજદીપ રોય, મહેશ જેઠમલાણી અને અનિલ ફિરોઝિયાનો સમાવેશ થાય છે. આ બેઠકમાં વિદેશ મંત્રાલયના વરિષ્ઠ અધિકારીઓ પણ હાજર હતા.
આપને જણાવી દઈએ કે ભાજપ રાહુલ ગાંધીની લંડનમાં કરેલી ટિપ્પણી માટે માફી માંગે તેવી માંગ કરી રહી છે. બીજી તરફ વિપક્ષો અદાણી જૂથ સામે અમેરિકન શોર્ટ સેલર હિંડનબર્ગ રિસર્ચના આરોપોની તપાસ માટે સંયુક્ત સંસદીય સમિતિ (જેપીસી)ની માગણી પર અડગ છે.
આ પણ વાંચો:ત્યારે ધરપકડ કેમ ન કરાઈ? અમૃતપાલ સિંહને ભાગેડુ જાહેર કરવા પર પિતાએ ઉઠાવ્યા સવાલ
આ પણ વાંચો:કોરોનાનો ખતરો વધ્યો, 126 દિવસ બાદ 800થી વધુ કેસ નોંધાયા, જાણો શું કહે છે નિષ્ણાંતો
આ પણ વાંચો:બદલાયો હવામાનનો મિજાજ, અનેક વિસ્તારોમાં કરા પડ્યા બાદ પારો ગગડ્યો
આ પણ વાંચો:વારિસ પંજાબ દેનો ચીફ અમૃતપાલ 6 સાથીઓ સાથે ઝડપાયો, પંજાબમાં આવતીકાલ સુધી નેટ બંધ
આ પણ વાંચો: સ્ટંટ કરવાના ચક્કરમાં સ્લેબ પરથી 20 ફૂટ નીચે પડકાયો યુવક, મૃત્યુ પહેલાનો વીડિયો
