પાકિસ્તાનના કેપ્ટન બાબર આઝમ અને બેટ્સમેન ઈમામ-ઉલ-હકની જોડીએ ફરી એકવાર કારગત સાબિત થઇ છે . ગુરુવારે શ્રીલંકાના હમ્બનટોટામાં અફઘાનિસ્તાન સામેની બીજી વનડેમાં બાબર અને ઈમામે રનનો પીછો કરતી વખતે શાનદાર ઇનિંગ્સ રમી હતી. જ્યારે બાબરે 66 બોલમાં 53 રન અને ઈમામે 105 બોલમાં 91 રન બનાવ્યા હતા. આ સાથે બંને બેટ્સમેનોએ એક મોટો રેકોર્ડ બનાવ્યો.અફઘાનિસ્તાને પાકિસ્તાનને વિશાળ ટાર્ગેટ આપ્યો હતો 300 રનનો.પાકિસ્તાને 9 વિકેટ ગુમાવીને 302 રન કરીને જીત મેળવી હતી.
ગુરુવારે હમ્બનટોટામાં રમાયેલી અફઘાનિસ્તાન સામેની બીજી વનડેમાં ફિનિશર તરીકે ઉભરી આવ્યો હતો. તેણે પાંચમા બોલ પર ચોગ્ગો ફટકારીને અફઘાનિસ્તાનના જડબામાંથી જીત છીનવી લીધી. લોઅર ઓર્ડર પર નસીમની વિસ્ફોટક બેટિંગને કારણે પાકિસ્તાને 1 બોલ બાકી રહેતાં 1 વિકેટે મેચ જીતી લીધી હતી.
છેલ્લી ઓવરનો રોમાંચ
આ મેચમાં છેલ્લી ઓવર ઘણી રોમાંચક હતી. 301 રનના લક્ષ્યનો પીછો કરવા ઉતરેલી પાકિસ્તાનને છેલ્લી ઓવરમાં 6 બોલમાં 11 રનની જરૂર હતી. શાદાબ ખાન શાનદાર ટચમાં હતો અને તેણે 35 બોલમાં 48 રન બનાવ્યા હતા. તેણે 49મી ઓવરના છેલ્લા બે બોલમાં એક ફોર અને એક સિક્સર ફટકારી હતી. મેચમાં જોરદાર લડત ચાલી રહી હતી.
ફાઝલહક ફારૂકી છેલ્લી ઓવરનો પહેલો બોલ ફેંકવા આવ્યો ત્યારે નોન-સ્ટ્રાઈકર એન્ડથી શાનદાર બેટિંગ કરનાર શાદાબ ખાન ક્રિઝની બહાર નીકળી ગયો. તેમને આગળ જતા જોઈને ફારુકીએ માંકડીંગ કરીને ગિલ્સ વિખેરી નાખ્યા. આખરે શાદાબને આઉટ થતાં પેવેલિયન પરત ફરવું પડ્યું હતું.હવે ટીમને જીત અપાવવાની સમગ્ર જવાબદારી નસીમ શાહના ખભા પર આવી ગઈ છે. નસીમે અફઘાનિસ્તાન સામે આ કારનામું કરી ચૂક્યો છે. તેથી જ તેને વિશ્વાસ હતો. તેણે બાઉન્ડ્રી માટે કવર તરફ પહેલો જ બોલ માર્યો. આ પછી, તે બીજા બોલ પર રન મેળવી શક્યો ન હતો. ત્રીજા પર, તેણે સિંગલ લીધો અને હરિસ રઉફને સ્ટ્રાઇક આપી. રઉફે ચોથા બોલ પર ત્રણ રન લીધા હતા. હવે પાંચમા બોલનો વારો હતો અને સામે નસીમ શાહ ઉભો હતો.ફારુકીની બોલિંગ વખતે નસીમે હાથ ખોલ્યા અને બોલ તેના બેટની કિનારી લઈને ત્રીજા માણસ તરફ ગયો. અહીં કોઈ ફિલ્ડર ન હોવાને કારણે આ બોલ બાઉન્ડ્રીની બહાર ગયો. આ બાઉન્ડ્રી વાગતા જ નસીમ ખુશી સાથે ભાગી ગયો. તેણે ગ્લોવ્ઝ ઉતાર્યા, બેટ ફેંક્યું અને આક્રમકતા સાથે વિજયની ઉજવણી કરી.
