પાકિસ્તાનનો લેગ સ્પિનર યાસિર શાહ મોટી મુશ્કેલીમાં છે. યાસિર અને તેના મિત્ર સામે સગીર બાળકી પર બળાત્કાર કરવા બદલ FIR નોંધવામાં આવી છે. ઈસ્લામાબાદના શાલીમાર પોલીસ સ્ટેશનમાં યાસિર અને તેના મિત્ર વિરુદ્ધ FIR નોંધવામાં આવી છે. બંને પર 14 વર્ષની સગીર છોકરી પર બળાત્કાર કરવાના ગંભીર આરોપો છે. પોલીસ હવે યુવતીનો મેડિકલ ટેસ્ટ કરાવવાની તૈયારી કરી રહી છે. જો કે હજુ સુધી આ મામલે યાસિર કે પાકિસ્તાન ક્રિકેટ બોર્ડ (PCB) તરફથી કોઈ નિવેદન આવ્યું નથી. ફરિયાદીએ કહ્યું કે જ્યારે તેણે આ અંગે પોલીસને જાણ કરી તો યાસિરે તેને કહ્યું કે તે મને એક ફ્લેટ આપશે અને આગામી 18 વર્ષ સુધી મારો ખર્ચ પણ ઉઠાવશે.
کرکٹر یاسر شاہ In Directly ریپ کیس میں نامزد
اسلام آباد کے تھانہ شالیمار میں مقدمہ درج #YasirShah pic.twitter.com/hVkNlLdV7i— Ejaz Wasim Bakhri (@ejazwasim) December 20, 2021
પીડિત યુવતીએ નોંધાવેલી એફઆઈઆરમાં તેણે કહ્યું છે કે યાસિર અને તેના મિત્ર ફરહાને કથિત રીતે બંદૂકની અણી પર તેની સાથે બળાત્કાર કર્યો હતો. તેની સાથે ફિલ્મ બનાવીને તેને હેરાન કરતો હતો. ફરિયાદીએ એફઆઈઆરમાં આરોપ લગાવ્યો છે કે જ્યારે મેં યાસિરનો વોટ્સએપ પર સંપર્ક કર્યો અને તેને આ બાબતે જણાવ્યું તો તેણે મારી મજાક ઉડાવી અને કહ્યું કે તેને સગીર છોકરીઓ પસંદ છે.
યુવતીએ વધુમાં આરોપ લગાવ્યો છે કે ટેસ્ટ ક્રિકેટર યાસિરે તેને ધમકી પણ આપી હતી કે તે આ બાબતની કોઈને જાણ ન કરે. તેણે કહ્યું કે જો તેણી આ વાત કોઈને પણ જાહેર કરશે તો તેના “ગંભીર પરિણામો” આવશે. યુવતીએ કહ્યું, ‘યાસિર શાહે કહ્યું કે તે ખૂબ જ પ્રભાવશાળી વ્યક્તિ છે અને તે એક ઉચ્ચ અધિકારીને જાણે છે. યાસિર શાહ અને ફરહાન વીડિયો બનાવે છે અને સગીર છોકરીઓ પર બળાત્કાર કરે છે.
