કહેવાયને કે હાથનાં કર્યા હૈયે વાગે – તે આનું નામ. પાકિસ્તાન કે જે આતંકવાદનું જનક છે અને આ વાત હવે તો આખુ વિશ્વ જાણે છે. આતંકવાદના જનક પાકિસ્તાનને આજ કાલ પોતાનાં જ પાળેલા સર્પનાં ઝેરીલા ડંખનો ભય સતાવી રહ્યો છે. પાકિસ્તાને હજી સુધી કોરોના રસીનો એક પણ ડોઝ ખરીદ્યો નથી, જે કોરોના વાયરસના ચેપ સામે રક્ષણ આપે છે. ચીન સામે હાથ ફેલાવ્યા પછી પણ તેને માત્ર 5 લાખ રસી આપવાનું વચન મળ્યું, જેનું રસીકરણ પ્રથમ બેચ પાકિસ્તાન પહોંચ્યા બાદ શરૂ કરાયું છે. જો કે, આ દરમિયાન, પાકિસ્તાનને ડર છે કે આ રસી તેની પાસેથી આતંકવાદીઓ લૂંટી જશે. આ ભયનાં કારણે પાકિસ્તાની સત્તાવાળાઓએ રસીને ગુપ્ત છુપાયેલા સ્થળોએ રાખવા કહેવામાં આવ્યું છે. સેનાની તૈનાત, સીસીટીવીથી સર્વેલન્સ સહિતની સુરક્ષાની પૂરતી વ્યવસ્થા કરવામાં આવી રહી છે.
નેશનલ કમાન્ડ એન્ડ ઓપરેશન સેંટર (NCOC) એ બુધવારે કોરોના રસીઓને ચોરી અને આતંકવાદી હુમલા ઓથી બચાવવા માટેની માર્ગદર્શિકા જાહેર કરી હતી. NCOCના જણાવ્યા મુજબ, ચાઇના દ્વારા બનાવવામાં આવેલી કોરોના રસી સિનોફોર્મ પાકિસ્તાનમાં આરોગ્ય કર્મચારીઓને આપવામાં આવી રહી છે અને 1 ફેબ્રુઆરીએ, દેશભરના તમામ પ્રાંતો માટે 70,000 રસી મોકલવામાં આવી છે. અહીંથી તેઓને તમામ જિલ્લાઓ અને શહેરોના કેન્દ્રો પર મોકલવામાં આવશે.
જાહેરનામામાં કહેવામાં આવ્યું છે કે ઇન્ટરપોલ દ્વારા છેતરપિંડી, ચોરી અને ગેરકાયદેસર જાહેરાતો અંગે એલર્ટ જારી કરાયું છે. આતંકવાદી હુમલો અથવા કોરોના રસીને નકલી રસી સાથે બદલવામાં આવી શકે છે, તેવી કોઈ અયોગ્ય ઘટનાને અટકાવવા માટે રસીના વાહન વ્યવહાર, સંગ્રહ અને વહીવટ માટે યોજનાઓ બનાવવામાં આવી છે. માર્ગદર્શિકામાં જણાવાયું છે કે પોલીસ, રેન્જર્સ અથવા સૈન્ય કોરોના રસી વહન કરનાર વાહનો સાથે ફરજિયાત છે. આ સાથે, કાફલામાં અજ્ઞાત સુરક્ષા પણ રહેશે.
NCOCએ કહ્યું છે કે કોરોના રસી લઈ જતા વાહનોના રૂટ પણ ગુપ્ત રાખવા જોઈએ. તે જ સમયે અજાણ્યા સ્થળોએ પણ રસી રોકી દેવામાં આવશે, જ્યાં ઘણા સ્તરો પર સુરક્ષા હશે. સીસીટીવી, ક્વિક રિએક્શન ફોર્સ, પોલીસ, રેન્જર્સ અને આર્મીને તૈનાત કરવા જણાવ્યું છે. આ સિવાય તમામ પ્રાંતીય સરકારોને સુરક્ષા બોર્ડ બનાવવાનું કહેવામાં આવ્યું છે.
જોકે દરેક દેશમાં કોરોના રસીઓની સલામતી પર ઘણું ધ્યાન આપવામાં આવી રહ્યું છે, પરંતુ પાકિસ્તાનમાં આ ડર વધુ છે. કારણ કે અહીં કોરોના રસીની વિશાળ અછત છે અને બીજી બાજુ આતંકવાદીઓ અને ગુનેગારોની મોટી સંખ્યા છે, જેઓ પોતાનો જીવ બચાવવા માટે રસી લૂંટી શકે છે. જો પાકિસ્તાનને ચીન તરફથી 5 લાખ રસીઓ મળી છે, તો પછી કોવાક્સ પ્રોગ્રામ દ્વારા આવતા છ મહિનામાં તેને 1.70 લાખ રસી મળે તેવી સંભાવના છે, જ્યારે પાકિસ્તાનની વસ્તી 22 કરોડથી વધુ છે અને ઇમરાન સરકાર પાસે રસી ખરીદવા માટે પૈસા નથી. આવી સ્થિતિમાં, અહીં કોરોના રસી ક્યારે લૂંટવામાં આવે તે કોઈને ખબર નથી.
મંતવ્ય ન્યૂઝ દ્વારા જાહેર અપીલ –
દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…
