Pakistani Couple Viral Video: સોશિયલ મીડિયા પર ક્યારે શું વાઇરલ થઈ જાય તે કહેવું મુશ્કેલ છે. હાલમાં પાકિસ્તાનના રાવલપિંડીથી એક એવા લગ્નની વિગતો સામે આવી છે જેણે નેટીઝન્સને ચોંકાવી દીધા છે. અહીં 70 વર્ષના હકીમ બાબરે પોતાની અડધી ઉંમરથી પણ નાની એટલે કે 22 વર્ષની યુવતી સાથે નિકાહ કર્યા છે. 48 વર્ષનો ઉંમરનો તફાવત હોવા છતાં આ કપલનું રોમેન્ટિક ફોટોશૂટ અત્યારે ઇન્ટરનેટ પર સુપરહિટ સાબિત થઈ રહ્યું છે.
‘દિલ દિયાં ગલ્લાં’ ગીત પર રોમેન્ટિક ફોટોશૂટ
લગ્ન બાદ આ કપલે પ્રોફેશનલ બ્રાઈડલ ફોટોશૂટ કરાવ્યું હતું. વાઇરલ વીડિયોમાં 22 વર્ષની દુલ્હન સલમાન ખાનની ફિલ્મનું પ્રખ્યાત ગીત ‘દિલ દિયાં ગલ્લાં’ ગાતી જોવા મળે છે અને 70 વર્ષના હકીમ સાહેબ પણ તેમાં સૂર પુરાવી રહ્યા છે. આ વીડિયો X (ટ્વિટર) અને ઇન્સ્ટાગ્રામ પર વાઇરલ થતા જ લોકોએ તેના પર જાતજાતની પ્રતિક્રિયાઓ આપવાનું શરૂ કર્યું છે.
લોકો બોલ્યા- ‘નસીબ હોય તો હકીમ સાહેબ જેવું’
આ અનોખી જોડીને જોઈને સોશિયલ મીડિયા યુઝર્સ બે ભાગમાં વહેંચાઈ ગયા છે. કેટલાક લોકો ઉંમરના તફાવતને લઈને આશ્ચર્ય વ્યક્ત કરી રહ્યા છે, તો કેટલાક કુંવારા યુવાનો મજાકમાં લખી રહ્યા છે કે, “નસીબ હોય તો હકીમ સાહેબ જેવું, 70ની ઉંમરે પણ નસીબ ખૂલી ગયું!” આ કપલના આત્મવિશ્વાસના પણ ઘણા લોકો વખાણ કરી રહ્યા છે.
— THE UNKNOWN MAN (@Theunk5555) February 25, 2026
પ્રેમમાં ઉંમર માત્ર એક નંબર: Pakistani Coupleનો ખુલાસો
પાકિસ્તાની મીડિયા સાથેની વાતચીતમાં હકીમ બાબરે જણાવ્યું કે, “ઉંમર માત્ર એક નંબર છે. જો પ્રેમ સાચો હોય તો ઉંમર આડે આવતી નથી.” તેમણે વધુમાં ઉમેર્યું કે આ લગ્ન બંનેની સહમતીથી અને ઇસ્લામિક સિદ્ધાંતો અનુસાર થયા છે. દુલ્હને પણ મીડિયાને જણાવ્યું કે તેને હકીમ સાહેબમાં પોતાનો સાચો સાથી મળ્યો છે અને તે આ લગ્નથી ખૂબ ખુશ છે.
રાવલપિંડીના આ લગ્ન અત્યારે પાકિસ્તાન અને ભારતમાં ચર્ચાનો વિષય બન્યા છે. જોકે, આ વીડિયો માત્ર સોશિયલ મીડિયા પર વાઇરલ થવા માટે બનાવવામાં આવ્યો છે કે ખરેખર લગ્ન થયા છે તેની સત્તાવાર પુષ્ટિ થઈ શકી નથી.
