પંજાબના હુસેનવાલા સેક્ટરમાં પાકિસ્તાનની સરહદ પર તૈનાત સુરક્ષા દળોને એલર્ટ કરી દેવામાં આવ્યા છે. સોમવારે રાત્રે આ વિસ્તારમાં ડ્રોન ઉડતું જોવા મળ્યું હતું, ત્યાર બાદ સૈન્ય હરકતમાં આવ્યું હતું. આપને યાદ આપાવી દઇએ કે, તાજેતરમાં જ સેનાએ પુષ્ટિ આપી હતી કે પાકિસ્તાન સ્થિત ખાલિસ્તાન આતંકવાદી સંગઠન દ્વારા 8 ડ્રોનની મદદથી 80 કિલો શસ્ત્ર મોકલવામાં આવ્યું છે.
એક અધિકારીએ માહિતી આપી કે, ગઈકાલે રાત્રે 10 થી 10.40 ની વચ્ચે, બીએસએફની 136 બટાલિયને હુસેનવાલા જોઇન્ટ ચેક પોસ્ટ નજીક 5 ડ્રોન ઉડતા જોયા, જેમાંથી 4 પાક સરહદની અંદર અને 1 ભારતીય સીમાની અંદર જોવામાં આવ્યા હતા.
બાદમાં આ ડ્રોન પાક સરહદ તરફ જતા જોયું હતું. પરંતુ પાછળથી તેની લાઇટ અને સાઉન્ડ અટકી ગયા હતા. આ અંગે બીએસએફ દ્વારા પંજાબ પોલીસને જાણ કરવામાં આવ્યા બાદ સર્ચ ઓપરેશન શરૂ થયું હતું. સ્થાનિક પોલીસ આ કેસની તપાસ કરી રહી છે.
આપણ વાંચો : જમ્મુ-કાશ્મીરમાં આતંકનું મોટું કાવતરું નિષ્ફળ, પંજાબ-જમ્મુ સરહદ પર હથિયારોથી ભરેલી ટ્રક પકડાઈ
સુરક્ષા દળે પુષ્ટિ આપી કે 9 અને 16 સપ્ટેમ્બરના રોજ ખાલિસ્તાન જિંદાબાદ ફોર્સની મદદથી, પાકિસ્તાનથી પંજાબમાં શસ્ત્રો મોકલવામાં આવ્યા હતા. આપને જણાવી દઇએ કે, 24 સપ્ટેમ્બરના રોજ, કેઝેડએફના કાર્યકરને પંજાબ પોલીસે તરણ તરણના ચોલા સાહિબ ગામથી ધરપકડ કરી હતી. તેની પાસેથી ઘણા શસ્ત્રો અને સંદેશા વ્યવહાર સિસ્ટમ કબજે કરવામાં આવી હતી.
એક વરિષ્ઠ પોલીસ અધિકારીએ જણાવ્યું હતું કે પૂછપરછ દરમિયાન ધરપકડ કરાયેલા આરોપીઓએ કહ્યું હતું કે, જે ડ્રોન પાછા પાકિસ્તાન ન જઈ શકે તે સળગાવી દીધા હતા. આમ ફરી પાકિસ્તાન તરફી ડ્રોન સીમા પાસે ડોકીયું દેતા સેના અને પોલીસ સતર્ક થઇ છે.
જુઓ સમગ્ર અહેવાલ મંતવ્ય ન્યૂઝ પર……
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
