ભારતની અંજુ તેના પાકિસ્તાની મિત્ર નસરુલ્લાને મળવા ગઈ હતી, તે આ દિવસોમાં હેડલાઇન્સનું કેન્દ્ર છે. અંજુને લઈને અનેક પ્રકારની ચર્ચાઓ ચાલી રહી છે. પ્રાપ્ત માહિતી અનુસાર અંજુએ ઈસ્લામ ધર્મ અંગીકાર કરી લીધો છે અને મંગળવારે તેના મિત્ર નસરુલ્લા સાથે લગ્ન કર્યા છે. જો કે, આ અઠવાડિયાની શરૂઆતમાં, અંજુ અને નસરુલ્લાએ તેમના નિકાહ અને તેણીના ધર્માંતરણ અંગેના અહેવાલોને નકારી કાઢ્યા હતા. આ સિવાય મળતી માહિતી મુજબ અંજુને 24 કલાકમાં લગભગ 1.25 કરોડની પ્રોપર્ટી ગિફ્ટ કરવામાં આવી છે.
ભારતીય સોશિયલ મીડિયા પ્રોફાઇલ્સ પર શનિવારે અંજુ અને નસરુલ્લાનો એક વીડિયો સામે આવ્યો હતો, જેમાં દંપતી એક રિયલ એસ્ટેટ કંપનીના ચીફ ઓપરેટિંગ ઓફિસર સાથે જોવા મળે છે. વિડીયોમાં, પાક સ્ટાર ગ્રુપ ઓફ કંપનીઝના સીઈઓ મોહસીન ખાન અબ્બાસીને સમજાવતા સાંભળી શકાય છે કે તેઓ શા માટે કપલને મળવા જઈ રહ્યા હતા. તેણે નસરુલ્લા અને અંજુને 10 મરલાનો રહેણાંક પ્લોટ, 50,000 પાકિસ્તાની રૂપિયા રોકડા અને અન્ય કિંમતી વસ્તુઓ ભેટમાં આપી. આ વીડિયો સૌથી પહેલા ભારતીય પત્રકાર રવિન્દર સિંહ રોબિને ટ્વિટર પર પોસ્ટ કર્યો હતો.
અંજુને બે સિક્યુરિટી મેન આપવામાં આવ્યા
મળતી માહિતી મુજબ પાકિસ્તાનની 5 કંપનીઓએ અંજુને નોકરીની ઓફર આપી હતી. આ સિવાય અંજુ અને નસરુલ્લા સોમવારે 31 જુલાઈએ PC કરી શકે છે. અંજુ પીસીમાં પાકિસ્તાનની નાગરિકતાની માંગ કરી શકે છે. આ સાથે તે પાકિસ્તાન સરકાર પાસે તેના બાળકોને ભારતથી લાવવાની પણ માંગ કરી શકે છે. અંજુનો ઉપયોગ પાકિસ્તાન ભારત વિરુદ્ધ દુષ્પ્રચાર ફેલાવવા માટે કરી શકે છે. તેમજ અંજુનો ફોન આઈએસઆઈના ડીએસપી પાસે છે, અંજુને બે સુરક્ષા કર્મચારી આપવામાં આવ્યા છે.
ભારતથી પાકિસ્તાન ગયેલી અંજુએ ઈસ્લામ અંગીકાર કર્યો અને તેનું નામ ફાતિમા થઈ ગયું. ગ્વાલિયરની રહેવાસી અંજુના લગ્ન અરવિંદ સાથે થયા હતા. બંને રાજસ્થાનમાં રહેતા હતા. અંજુ અને અરવિંદને 15 વર્ષની પુત્રી અને છ વર્ષનો પુત્ર છે. ભારતથી પાકિસ્તાન ગયેલી અંજુએ ઈસ્લામ અંગીકાર કર્યો અને તેનું નામ ફાતિમા થઈ ગયું. ગ્વાલિયરની રહેવાસી અંજુના લગ્ન અરવિંદ સાથે થયા હતા. બંને રાજસ્થાનમાં રહેતા હતા. અંજુ અને અરવિંદને 15 વર્ષની પુત્રી અને છ વર્ષનો પુત્ર છે.
