Pali Friendship News: કહેવાય છે કે સાચી મિત્રતા મૃત્યુ પછી પણ અતૂટ રહે છે, અને આ વાત રાજસ્થાનના પાલી (Pali) જિલ્લાના તખતગઢમાં સાચી સાબિત થઈ છે. અહીં બે પાડોશી અને પરમ સહેલીઓએ દુનિયાને બતાવ્યું કે દોસ્તી માત્ર જીવવા માટે જ નહીં, પણ સાથે વિદાય લેવા માટે પણ હોય છે. જેઠીબાઈના નિધનના સમાચાર સાંભળતા જ તેમની ખાસ સહેલી ભીખીબાઈ આ આઘાત સહન ન કરી શક્યા અને ગણતરીના કલાકોમાં જ તેમણે પણ દમ તોડી દીધો.
‘જે પહેલા જશે બીજીને સાથે લેતી જશે’
તખતગઢના નાગચોક વિસ્તારમાં રહેતા જેઠીબાઈ અને ભીખીબાઈ વચ્ચે દાયકાઓ જૂની ગાઢ મિત્રતા હતી. મોહલ્લાના લોકો જણાવે છે કે બંને ઘણીવાર મજાકમાં કહેતી હતી કે, “જો આપણામાંથી કોઈ પહેલા જશે, તો તે બીજીને પણ પોતાની સાથે જ લઈ જશે.” કુદરતે આ મજાકને હકીકતમાં બદલી નાખી. 4 એપ્રિલની રાત્રે જેઠીબાઈનું અવસાન થયું, અને 5 એપ્રિલની સવારે આ સમાચાર મળતા જ ભીખીબાઈ આઘાતમાં સરી પડ્યા અને સવારે 8 વાગ્યે તેમણે પણ અંતિમ શ્વાસ લીધા.
Pali માં એક જ ચિતા પર અંતિમ વિદાય
બંને સહેલીઓના પરિવારોએ તેમની (Pali) વર્ષો જૂની મૈત્રીને માન આપતા એક ઐતિહાસિક નિર્ણય લીધો. રવિવારે (Pali) બપોરે ગોગરા રોડ સ્થિત સ્મશાન ઘાટ પર બંનેની અર્થીઓ એકસાથે ઉઠી હતી. સેંકડો ગ્રામજનોની હાજરીમાં બંને સહેલીઓના અંતિમ સંસ્કાર એક જ ચિતા પર કરવામાં આવ્યા હતા. આ દ્રશ્ય જોઈને સ્મશાનમાં હાજર દરેક વ્યક્તિની આંખમાં આંસુ આવી ગયા હતા.
આખી સોસાયટીમાં પ્રખ્યાત હતી જોડી
ભીખીબાઈના પુત્ર હંસારામે જણાવ્યું કે, તેમની માતાને પગમાં સામાન્ય દુખાવો હતો, પરંતુ જેઠીબાઈના જવાના સમાચાર સાંભળતા જ તેઓ ભાંગી પડ્યા હતા. આ આઘાત તેમના હૃદય સુધી પહોંચી ગયો હતો. સમગ્ર તખતગઢ પંથકમાં આ અનોખી મિત્રતા અને કરુણ વિદાયની ચર્ચા અત્યારે દરેકના મોઢે છે. પાલી (Pali) જિલ્લાના ઈતિહાસમાં મિત્રતાનું આવું ઉદાહરણ ભાગ્યે જ જોવા મળ્યું છે.
આ પણ વાંચો: યુરોપમાં શેરડીના રસની ગાડીઓ જોઈને ભારતીયો આશ્ચર્યચકિત, જુઓ વાયરલ વિડિયો
આ પણ વાંચો: અરે આ શું ડીઝલથી સ્કોર્પિયોને ધોઈ? જુઓ વાયરલ વીડિયો
આ પણ વાંચો: રાજસ્થાનમાં એમડી ડ્રગ્સની દાણચોરીનો પર્દાફાશ
