Parliament Monsoon Session Student Protest Discussion Kiren Rijiju: સંસદના ચોમાસુ સત્ર દરમિયાન વિદ્યાર્થી આંદોલન અને પરીક્ષા વ્યવસ્થાને લઈને રાજકીય ગરમાવો જોવા મળી રહ્યો છે. NEET પેપર લીક અને વિદ્યાર્થીઓના વિરોધ પ્રદર્શનના મુદ્દે વિપક્ષ સતત સંસદમાં ચર્ચાની માંગ કરી રહ્યો છે. હવે સરકારે સ્પષ્ટ કર્યું છે કે તે વિદ્યાર્થી સંબંધિત મુદ્દાઓ પર સંસદમાં વિગતવાર ચર્ચા કરવા માટે તૈયાર છે.
Student Protest પર કિરેન રિજિજુએ શું કહ્યું?
સંસદીય કાર્ય મંત્રી કિરેન રિજિજુએ જણાવ્યું કે સરકાર વિપક્ષ દ્વારા ઉઠાવવામાં આવતા તમામ મુદ્દાઓનો જવાબ આપવા માટે તૈયાર છે. તેમણે કહ્યું કે વિદ્યાર્થી આંદોલન(Student Protest) અંગેની ચર્ચા દરમિયાન સરકાર તરફથી ગૃહમંત્રી જવાબ આપશે. રિજિજુએ વિપક્ષને અપીલ કરી કે જ્યારે સંસદમાં વિદ્યાર્થીઓ સાથે જોડાયેલા મુદ્દાઓ પર ચર્ચા થાય ત્યારે હંગામો ન કરવામાં આવે. તેમના જણાવ્યા અનુસાર, દરેક પક્ષને પોતાની વાત રજૂ કરવાની તક મળવી જોઈએ અને મહત્વના મુદ્દાઓ પર ગંભીર ચર્ચા થવી જોઈએ.
BAC બેઠકમાં ચર્ચાનો પ્રસ્તાવ
બિઝનેસ એડવાઇઝરી કમિટી એટલે કે BACની બેઠકમાં સરકારે વિદ્યાર્થી આંદોલન(Student Protest) અને પરીક્ષા સુધારણા સાથે જોડાયેલા મુદ્દાઓ પર ચર્ચા માટે તૈયારી દર્શાવી હતી. જોકે, વિપક્ષે આ દરમિયાન અયોધ્યાના રામ મંદિર સાથે જોડાયેલા દાનમાં કથિત ગેરરીતિના મુદ્દે પણ સંસદમાં ચર્ચાની માંગ કરી છે. આ કારણે સરકાર અને વિપક્ષ વચ્ચે ચર્ચાના મુદ્દાઓને લઈને અલગ-અલગ પ્રાથમિકતાઓ સામે આવી છે.
FCRA અને પરિસીમન બિલ પર ચર્ચા નહીં
BACની બેઠકમાં હાલ FCRA સુધારા અને પરિસીમન સાથે જોડાયેલા બિલો પર ચર્ચા માટે કોઈ પ્રસ્તાવ રાખવામાં આવ્યો નથી. બીજી તરફ સરકારનું ધ્યાન હાલમાં વિદ્યાર્થી આંદોલન, પેપર લીક અને પરીક્ષા વ્યવસ્થામાં સુધારણા જેવા મુદ્દાઓ પર હોવાનું જણાવવામાં આવી રહ્યું છે.
પેપર લીક રોકવા માટે નવું બિલ
આ અગાઉ સરકારે લોકસભામાં Public Examinations (Prevention of Unfair Means) Amendment Bill, 2026 રજૂ કર્યું છે. આ બિલનો હેતુ પેપર લીક(Student Protest) અને પરીક્ષામાં ગેરરીતિઓને રોકવા માટે હાલના કાયદાકીય માળખાને વધુ મજબૂત બનાવવાનો છે. સરકારનું કહેવું છે કે પરીક્ષા વ્યવસ્થામાં પારદર્શિતા લાવવી અને વિદ્યાર્થીઓના હિતોનું રક્ષણ કરવું જરૂરી છે.
સરકાર અને વિપક્ષ વચ્ચે ટકરાવ યથાવત
વિદ્યાર્થી આંદોલનના(Student Protest) મુદ્દે સંસદની અંદર અને બહાર સરકાર તથા વિપક્ષ વચ્ચે રાજકીય ટકરાવ ચાલુ છે. વિપક્ષ વિદ્યાર્થીઓ સામેની કથિત પોલીસ કાર્યવાહી અને પેપર લીક અંગે સરકાર પાસેથી જવાબ માંગી રહ્યો છે. હવે સરકાર ચર્ચા માટે તૈયાર હોવાનું જાહેર કરી ચૂકી છે. તેથી આગામી દિવસોમાં સંસદમાં વિદ્યાર્થી આંદોલન, પેપર લીક અને પરીક્ષા સુધારણા જેવા મુદ્દાઓ પર કેવી ચર્ચા થાય છે અને વિપક્ષ કયા પ્રશ્નો ઉઠાવે છે તેના પર સૌની નજર રહેશે.
આ પણ વાંચો: ચાંદીપુરા વાયરસ સામે રસી ક્યારે? સંસદમાં સાંસદ બાબુભાઈ દેસાઈએ ઉઠાવ્યો ગંભીર મુદ્દો
આ પણ વાંચો:પેટ્રોલ શું તમારા બાપના ઘરેથી આવશે?” રીવા સાંસદના નિવેદનથી મચ્યો રાજકીય હોબાળો
આ પણ વાંચો: અમેરિકી સાંસદનો ટ્રમ્પ પર ગંભીર આક્ષેપ; ઈરાન યુદ્ધ અને માર્કેટ સાથે રમત રમવાનો દાવો
