દેશમાં નવું વર્ષ શરૂ થઇ ગયુ છે. લોકોએ ઘણા સ્થળોએ આતશબાજી સાથે નવા વર્ષનું સ્વાગત કર્યું. દિલ્હીવાસીઓએ રેસ્ટોરન્ટ્સ, પબ્સ, મોલ્સ અને અન્ય સ્થળોએ નવા વર્ષનું જોરદાર સ્વાગત કર્યું અને જૂના વર્ષને વિદાય આપી. આ પ્રસંગે કોઇ અનિચ્છનીય ઘટના ન બને તે માટે પોલીસે વિસ્તૃત સુરક્ષા વ્યવસ્થા ગોઠવી હતી.
સુવ્યવસ્થિત રીતે નવા વર્ષને ઉજવવા રાષ્ટ્રીય રાજધાની દિલ્હીમાં ખાસ કરીને બજારો, મોલ્સ, પાંચસીતારા હોટલ, રેસ્ટોરન્ટ્સ, પબ, બારમાં સુરક્ષા કડક કરવામાં આવી હતી. સાકેતનાં સિલેક્શન સિટી વોક મોલ, નહેરુ પ્લેસ, ખાન માર્કેટ, રાજૌરી ગાર્ડન અને કનોટ પ્લેસ સહિત શહેરનાં વિવિધ મહત્વપૂર્ણ બજારો અને લોકપ્રિય પાર્ટી વેન્યુ પર નવા વર્ષની ઉજવણી કરતા લોકોનાં મોટો ટોળો જોવા મળ્યા હતા.
આ અગાઉ દુનિયાભરમાં હેપ્પી ન્યૂ યર 2020 નું આગમન થયુ. ઘણા દેશોમાં, વર્ષ 2020 ને લઇને લોકોનાં મોટા ટોળા રસ્તાઓ પર નિકળી નવા વર્ષની લોકોને શુભકામનાઓ પાઠવી રહ્યા છે. સૌથી પહેલા ન્યૂઝીલેન્ડનાં ઓકલેન્ડ, ઓસ્ટ્રેલિયામાં મેલબોર્ન, સિડની વગેરે શહેરોમાં નવું વર્ષ શરૂ થયું હતુ. ભારતમાં પણ નવા વર્ષને આવકારવા માટે લોકોએ ઘણી તૈયારીઓ કરી હતી. દિલ્હીથી મુંબઇ, ચંદીગઢથી બેંગલોર સુધી લોકોએ ઉજવણી શરૂ કરી દીધી હતી. મુંબઈનું છત્રપતિ શિવાજી મહારાજ ટર્મિનલ પણ ખૂબ જ સુંદર રીતે સજ્જ જોવા મળ્યુ હતુ.
વડાપ્રધાન નરેન્દ્ર મોદીએ આપી નવા વર્ષની શુભકામનાઓ
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
