પૂર્વ કેબિનેટ સચિવ પી કે સિન્હાને PM મોદીના મુખ્ય સલાહકાર તરીકે નિયુક્ત કરવામાં આવ્યા છે. તો સાથે સાથે પી. કે. મિશ્રા એટલે કે, પ્રમોદકુમાર મિશ્રાની PM મોદીનાંં નવા મુખ્ય સચિવ તરીકે વર્ણી કરવામાં આવી છે.
પી કે સિન્હાની PM મોદીના મુખ્ય સલાહકાર તરીકે નિયુક્ત, સંભાળ્યો નવો ચાર્જ
પી.કે.સિન્હાને ગયા મહિને વડા પ્રધાન કાર્યાલય – PMOમાં OSD વિશેષ ફરજ તરીકે નિમણુક કરવામાં આવી હતી. સરાકારની કેબિનેટની નિમણૂક સમિતિ દ્વારા પીકે સિન્હાની નિમણૂકને મંજૂરી આપવામાં આવી હતી. હાલમાં સિન્હા વડા પ્રધાનના વડા પ્રધાનના સલાહકાર તરીકે વડા પ્રધાન કાર્યાલયમાં ઓએસડી તરીકે સેવા આપી રહ્યા છે. આ નિમણૂક 11 સપ્ટેમ્બર 2019 એટલે કે બુધવારથી લાગુ થઇ હોવાનો પણ ઉલ્લેખ કરવામાં આવ્યો છે. પી.કે. સિન્હા દ્વારા આજે પોતાની નવી નિમણુંકનો ચાર્જ સંભાળ લોવામાં આવ્યો હોવાનું પણ જાણવા મળી રહ્યું છે.
પ્રમોદકુમાર મિશ્રાએ પૂર્વ મુખ્ય સચિવ નૃપેન્દ્રકુમાર મિશ્રાની જગ્યા લીધી
પ્રમોદકુમાર મિશ્રાએ પૂર્વ મુખ્ય સચિવ નૃપેન્દ્રકુમાર મિશ્રાની જગ્યા લીધી છે. તાજેતરમાં નૃપેન્દ્ર મિશ્રાએ તેમના પદ પરથી નિવૃત થયા હતા. બુધવારે જાહેર કરવામાં આવેલા સરકારી આદેશ અનુસાર પ્રમોદકુમાર મિશ્રાની PM મોદીનાં મુખ્ય સચિવ તરીકે નિયુક્તિ કરવામાં આવી છે. આપને જણાવી દઇએ કે, પ્રમોદકુમાર મિશ્રા, 2001નાં સમયથી મોદીની નજીકના ગણાય છે.
રસપ્રદ વાત એ છે કે જ્યારે પીએમ મોદી પહેલીવાર ગુજરાતના મુખ્યમંત્રી બન્યા ત્યારે તેમણે પી કે મિશ્રાને તેમના મુખ્ય સચિવ તરીકે નિયુક્ત કર્યા હતા. પીકે મિશ્રાએ નવા મુખ્યમંત્રીને કામગીરી સમજવામાં ઘણી મદદ કરી હોવાનું કહેવાય છે. પીકે મિશ્રા ઓડિશાના સંબલપુર જિલ્લાના છે. તે 1972 ની બેચના ગુજરાત કેડરનાં આઈએએસ છે.
અધિકારીઓએ ચાર્જ સંભાળ્યો
આ નિમણૂક 11 સપ્ટેમ્બર 2019 એટલે કે બુધવારથી લાગુ કરી દોવામાં આવી હોવાથી બનેં અધિકારી દ્વારા પોતાનો ચાર્જ સંભાળી લોવામાં આવ્યો છે. નિવેદનમાં જાહેર કરવામાં આવ્યું છે કે તેમણે બુધવારે પોતાની નવી સોંપણી લઇ લીધી છે.
નૃપેન્દ્ર મિશ્રાના પ્રયાણ પર વડા પ્રધાને ટ્વિટ કરીને આભાર વ્યક્ત કર્યો હતો
નૃપેન્દ્ર મિશ્રા વડા પ્રધાનના મુખ્ય સચિવ હતા અને તેઓ કેબિનેટ પ્રધાન પદ પર હતા. પીએમ મોદીએ ભૂતપૂર્વ મુખ્ય સચિવ નૃપેન્દ્ર મિશ્રાની નિવૃતી અંગે પણ ટ્વિટ કર્યું હતું કે, “તેમણે લખ્યું છે કે પાંચ વર્ષ સુધી પીએમઓની સેવા કર્યા પછી અને ખંતપૂર્વક કાર્ય કર્યા પછી, ભારતના વિકાસ ચક્રમાં કાયમી ફાળો આપનાર શ્રી. નૃપેન્દ્ર મિશ્રા તેમના જીવનમાં એક નવો તબક્કો શરૂ કરશે. તેમના ભાવિ પ્રયાસો માટે મારી શુભેચ્છાઓ “
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
