વડાપ્રધાન નરેન્દ્ર મોદીએ પોતાના ટ્વિટર પ્રોફાઇલ પિક્ચરમાં ફેરફાર કર્યો છે. આ પહેલા પીએમ મોદીના ટ્વીટર હેન્ડલ પર 100 કરોડની કોરોના રસી સંબંધિત એક તસવીર હતી, જે પીએમ દ્વારા ઓક્ટોબર મહિનામાં લગાવવામાં આવી હતી. પરંતુ લેટેસ્ટ પ્રોફાઈલ ફોટોમાં પીએમ મોદી હાથ જોડીને જોવા મળે છે.
વડા પ્રધાન મોદીએ અગાઉ 22 ઓક્ટોબરે પ્રોફાઇલ ફોટો બદલ્યો હતો, જ્યારે ભારતે કોરોના રસીના 100 કરોડ ડોઝનું ઇન્જેક્શન આપીને રેકોર્ડ બનાવ્યો હતો. આ રેકોર્ડ બાદ સરકાર અને સત્તાધારી પક્ષ ભાજપ દ્વારા પણ અનેક કાર્યક્રમોનું આયોજન કરવામાં આવ્યું હતું. ત્યારબાદ પીએમ મોદીએ પણ પોતાનો પ્રોફાઈલ ફોટો બદલીને 100 કરોડની કોરોના વેક્સીનની ફ્રેમ લગાવી.
પીએમ મોદી ટ્વિટર પર વિશ્વના સૌથી લોકપ્રિય નેતાઓમાંના એક છે. હાલમાં તેના 74 મિલિયનથી વધુ ફોલોઅર્સ છે અને તે સોશિયલ પ્લેટફોર્મ પર લગભગ અઢી હજાર લોકોને ફોલો કરે છે.
અગાઉના પ્રોફાઇલ ફોટોમાં, વડા પ્રધાન મોદીએ તેમના તરફથી 100 કરોડ રસીના ડોઝ પૂરા થવાની ખુશીમાં તમામ દેશવાસીઓને અભિનંદન આપ્યા હતા. આ પ્રોફાઇલ ફોટો પર ફ્રેમની સાથે એક મેસેજ પણ મૂકવામાં આવ્યો હતો.
