સિંગલ યુઝ પ્લાસ્ટિકથી મુક્તી એ ધ્યેય

તેમણે કહ્યું કે સ્વચ્છતા, પર્યાવરણીય સંરક્ષણ અને જીવન સલામતી, ત્રણેય વિષયો ગાંધીજીને પ્રિય હતા. આ ત્રણેય માટે સિંગલ યુઝ પ્લાસ્ટિક એક મોટો ખતરો છે. આપણે વર્ષ 2022 સુધીમાં દેશને સિંગલ યુઝ પ્લાસ્ટિકથી મુક્ત કરવાનું લક્ષ્ય હાંસલ કરવાનું છે.

પીએમ મોદીએ કહ્યું કે સરકારે જળ જીવન મિશન માટે સાડા ત્રણ લાખ કરોડ રૂપિયા ખર્ચ કરવાનો નિર્ણય કર્યો છે. સ્વચ્છ ભારત અભિયાન દ્વારા ભારતમાં લાખથી વધુ રોજગારીની તકો ઉભી થઈ છે, જેમાંથી મોટાભાગની ગામોની બહેનો અને ભાઈઓએ પ્રાપ્ત કરી છે. પીએમ મોદીએ કહ્યું કે યુનિસેફ અનુસાર છેલ્લા પાંચ વર્ષમાં સ્વચ્છ ભારત અભિયાનની ભારતના અર્થતંત્ર પર 20 લાખ કરોડ રૂપિયાથી વધુની સકારાત્મક અસર થઈ છે.

સ્વચ્છતાને કારણે સારવાર પર ખર્ચ ઓછો થયો

પીએમ મોદીએ વધુમાં કહ્યું કે મને સંતોષ છે કે સ્વચ્છતાને કારણે હવે ગરીબોની સારવાર ઉપર ખર્ચ ઓછો થયો છે. આ અભિયાન દ્વારા ગ્રામીણ વિસ્તારો, આદિજાતિ વિસ્તારોના લોકોને રોજગારીની નવી તકો મળી અને બહેનોને રાણી મિસ્ત્રી તરીકે કામ કરવાની તકો મળી.

150 રૂપિયાનો સ્મારક સિક્કો જારી કર્યો

પીએમ મોદી બુધવારે અમદાવાદના સાબરમતી આશ્રમમાં પહોંચ્યા હતા અને મહાત્મા ગાંધીની પ્રતિમા પર અંજલિ આપી હતી. તેમણે 150 રૂપિયાનો સ્મારક સિક્કો પણ જારી કર્યો. 2 ઓક્ટોબરના રોજ ગાંધી જયંતિ નિમિત્તે તેઓ સાબરમતી આશ્રમમાં કેટલાક બાળકો અને સ્વયંસેવકો સાથે પણ મળ્યા હતા.

વૈશ્વિક સ્તરે ભારતનું કદ દિવસે દિવસે વધતું જાય છે

પીએમ મોદીએ અહીં લોકોને સંબોધન કરતાં કહ્યું હતું કે વૈશ્વિક સ્તરે ભારતનું કદ દિવસે દિવસે વધતું જાય છે. ભારત પ્રત્યે આદર વિશ્વભરમાં વધી રહ્યો છે. કોઈપણ આ ફેરફાર અનુભવી શકે છે. વિશ્વ જોઈ શકે છે કે વૈશ્વિક સ્તરે ભારતમાં ઘણા સકારાત્મક પરિવર્તન થયા છે.  તેમણે કહ્યું કે મહાત્મા ગાંધીની 150 મી જન્મ જયંતી સંયુક્ત રાષ્ટ્રમાં ખૂબ ઉત્સાહથી ઉજવવામાં આવી રહી છે. વિશ્વની કોઈપણ સમસ્યા વિશે વાત કરો, મહાત્મા ગાંધીના સૂચનથી તે સમસ્યાઓનું સમાધાન મળે છે.

જુઓ PM મોદી @Live………