ત્રીજી વખત કાશીની જનતાની સેવા કરવા આતુર પીએમ મોદીએ ભાજપના ઉમેદવારોને અભિનંદન આપ્યા

Lok Sabha Election 2024/ ત્રીજી વખત કાશીની જનતાની સેવા કરવા આતુર પીએમ મોદીએ ભાજપના ઉમેદવારોને અભિનંદન આપ્યા

ભાજપે શનિવારે આગામી લોકસભા ચૂંટણીને ધ્યાનમાં રાખીને 16 રાજ્યો અને બે કેન્દ્રશાસિત પ્રદેશો માટે 195 ઉમેદવારોની પ્રથમ યાદી જાહેર કરી છે.

ભાજપે શનિવારે આગામી લોકસભા ચૂંટણીને ધ્યાનમાં રાખીને 16 રાજ્યો અને બે કેન્દ્રશાસિત પ્રદેશો માટે 195 ઉમેદવારોની પ્રથમ યાદી જાહેર કરી છે. વડાપ્રધાન નરેન્દ્ર મોદી ફરી એકવાર વારાણસીથી, કેન્દ્રીય ગૃહમંત્રી અમિત શાહ ગાંધીનગરથી અને રક્ષા મંત્રી રાજનાથ સિંહ લખનૌથી ચૂંટણી લડશે. પીએમ મોદીએ આગામી લોકસભા ચૂંટણી માટે વારાણસીથી ફરી એકવાર તેમને ઉમેદવાર બનાવવા બદલ ભાજપ નેતૃત્વનો આભાર વ્યક્ત કર્યો અને કહ્યું કે તેઓ ત્રીજી વખત કાશીના લોકોની સેવા કરવા માટે ઉત્સુક છે.

તેમણે ‘X’ પર પોસ્ટની શ્રેણીમાં એમ પણ કહ્યું કે રાષ્ટ્રીય લોકતાંત્રિક ગઠબંધન (NDA) સુશાસનના આધારે જનતા પાસેથી મત માંગવા જઈ રહ્યું છે. તેમને એવો વિશ્વાસ પણ વ્યક્ત કર્યો હતો કે તેમને ફરી એકવાર દેશના લોકોના આશીર્વાદ મળશે. તેમને કહ્યું, “હું ભાજપના નેતૃત્વનો આભાર માનું છું અને મારામાં સતત વિશ્વાસ રાખવા બદલ પાર્ટીના કરોડો નિઃસ્વાર્થ કાર્યકરોને સલામ કરું છું. હું ત્રીજી વખત કાશીની મારી બહેનો અને ભાઈઓની સેવા કરવા આતુર છું.

बाबा विश्वनाथ की नगरी काशी में तीसरी बार अपने परिवारजनों की सेवा को लेकर बहुत उत्सुक हूं। @BJP4India के नेतृत्व को बहुत-बहुत धन्यवाद। इसके साथ ही मुझमें निरंतर विश्वास जताने के लिए पार्टी के करोड़ों निस्वार्थ कार्यकर्ताओं को मेरा नमन!

2014 में मैं लोगों के सपनों को साकार करने…

— Narendra Modi (@narendramodi) March 2, 2024

ભાજપની પ્રથમ યાદીમાં સમાવિષ્ટ ઉમેદવારોને અભિનંદન

પીએમ મોદીએ ભાજપની પ્રથમ યાદીમાં સામેલ ઉમેદવારોને પણ અભિનંદન પાઠવ્યા છે. તેમણે ટ્વિટર પર લખ્યું, “અમારી પાર્ટીએ કેટલીક સીટો માટે ઉમેદવારોની જાહેરાત કરી છે અને બાકીની સીટોની જાહેરાત આગામી દિવસોમાં કરવામાં આવશે. અમારી પાર્ટીના ઉમેદવાર તરીકે નામાંકિત થયેલા તમામ લોકોને હું અભિનંદન આપું છું અને તેમને શુભેચ્છા પાઠવું છું.

‘140 કરોડ લોકો અમને ફરીથી આશીર્વાદ આપશે’

પીએમએ લખ્યું, “અમે સુશાસનના અમારા ટ્રેક રેકોર્ડના આધારે લોકો સુધી જઈ રહ્યા છીએ અને એ સુનિશ્ચિત કરીએ છીએ કે પ્રગતિનો લાભ ગરીબમાં ગરીબ સુધી પહોંચે.” મને ખાતરી છે કે ભારતના 140 કરોડ લોકો અમને ફરીથી આશીર્વાદ આપશે અને તેમની આકાંક્ષાઓને પૂર્ણ કરવા અને વિકસિત ભારતનું નિર્માણ કરવા માટે અમને વધુ શક્તિ આપશે.