પીએમ નરેન્દ્ર મોદી UNGA ની બેઠકમાં ભાગ લેવા માટે મંગળવારે અમેરિકા જવા રવાના થશે. મીટિંગના 76 મા સત્રની સાથે સાથે તેઓ વિશ્વના નેતાઓ સાથે બેઠક કરશે. આ મહત્વની બેઠકમાં ભાગ લેવા માટે પીએમ મોદી ઉપરાંત 100 દેશોના વડાઓ પણ અમેરિકા આવી રહ્યા છે. કાર્યક્રમમાં ભાગ લેવા માટે 22 સપ્ટેમ્બરે વોશિંગ્ટન ડીસી પહોંચશે. જ્યારે 23 સપ્ટેમ્બરે તેઓ અમેરિકાના ટોચના સીઈઓને મળશે. પીએમ નરેન્દ્ર મોદી 23 સપ્ટેમ્બરે અમેરિકી ઉપરાષ્ટ્રપતિ કમલા હેરિસને પણ મળવાની યોજના બનાવી છે. વડાપ્રધાન એ જ દિવસે ઓસ્ટ્રેલિયાના વડાપ્રધાન સ્કોટ મોરિસન અને તેમના જાપાની સમકક્ષ યોશીહિડે સુગાને પણ મળશે.
આ પણ વાંચો :શ્રીનગર એરપોર્ટ પર આતંકવાદીઓની હુમલો કરવાની કોશિશ નાકામ, IED કરાયા જપ્ત
અમેરિકાના રાષ્ટ્રપતિ જો બિડેન 24 સપ્ટેમ્બરે વ્હાઈટ હાઉસમાં પીએમ નરેન્દ્ર મોદી સાથે દ્વિપક્ષીય બેઠક યોજીને બંને દેશો વચ્ચેના સંબંધોને વધુ મજબૂત કરવાનો પ્રયાસ કરશે. પીએમ નરેન્દ્ર મોદીની મુલાકાત દરમિયાન ડિનરનું પણ આયોજન કરવામાં આવશે. 24 સપ્ટેમ્બરની સાંજે પીએમ મોદી ન્યૂયોર્ક જવા રવાના થશે, જ્યાં તેઓ બીજા દિવસે સંયુક્ત રાષ્ટ્ર મહાસભામાં ભાષણ આપશે. પીએમ નરેન્દ્ર મોદીની આ મુલાકાત અંગે અમેરિકાના રાષ્ટ્રપતિ બિડેને કહ્યું કે શુક્રવારે પીએમ મોદી સાથે આ પ્રથમ વ્યક્તિગત મુલાકાત હશે.
આ પણ વાંચો :મમતા બેનર્જી 2024 ની લોકસભા ચૂંટણીમાં PM પદનો બની શકે છે ચહેરોઃ બાબુલ સુપ્રિયો
ભારત સાથેની આપણી વૈશ્વિક ભાગીદારીના દ્રષ્ટિકોણથી મુક્ત અને ખુલ્લા ઇન્ડો-પેસિફિક સંબંધને જાળવી રાખવા માટે સાથે મળીને કામ કરીને મજબૂતીથી મજબૂતી તરફ જવાની આ ખરેખર તક હશે. બિડેન વહીવટીતંત્ર દ્વારા જારી કરવામાં આવેલા નિવેદનમાં તેમણે કહ્યું કે પીએમ નરેન્દ્ર મોદી અને જો બિડેન સાથેની દ્વિપક્ષીય વાતચીત આતંકવાદના ખતરા અને અફઘાનિસ્તાનની પરિસ્થિતિ વિશે વાત કરવાની તક પૂરી પાડશે, આતંકવાદ જેવા દુશ્મન સામે લડવા માટે આપણે સાથે મળીને કેવી રીતે કામ કરી શકીએ. તેમણે વધુમાં કહ્યું કે, અમેરિકા અને ભારત વચ્ચેના સંબંધો માત્ર સરકાર-થી-સરકારના સંબંધો કરતાં વધુ ગાઢ છે, તે વાસ્તવમાં બે લોકો વચ્ચેનો સંબંધ છે.
આ પણ વાંચો : મુંબઇ દરિયામાં તૈનાત 23 સ્પીડ બોટના ઓરિજનલ એન્જિન ચોરી કરી નકલી લગાવ્યા
આપને જણાવી દઈએ કે, ગત અઠવાડિયે નવી દિલ્હીમાં વિદેશ મંત્રાલયે કહ્યું હતું કે ચારેય નેતા આ વર્ષે 12 માર્ચના રોજ પોતાના પહેલા ડિજિટલ શિખર સંમેલન બાદ થયેલી પ્રગતિની સમીક્ષા કરશે અને ભાગીદાર હિતો સાથે જોડાયેલા ક્ષેત્રીઓ મુદ્દાઓ પર ચર્ચા કરશે. મોદીની અમેરિકા યાત્રા લગભગ છ મહિનામાં તેમની પ્રથમ વિદેશ યાત્રા હશે જ્યારે કોવિડ-19 મહામારીના પ્રકોપ બાદ તે બીજી વાર કોઇ દેશની પ્રથમ યાત્રા પર આવશે. આ પહેલાં માર્ચમાં મોદીએ બાંગ્લાદેશની યાત્રા કરી હતી.
આ પણ વાંચો :મહંત નરેન્દ્ર ગિરીની મોતના મામલે પોલીસે તેમના શિષ્ય આનંદ ગિરિની કરી અટકાયત
