Ahmedabad News: અમદાવાદ એરપોર્ટ નજીક તંદૂર હોટલમાંથી મળેલી યુવતીના મૃતદેહનો કેસ અમદાવાદ ક્રાઈમ બ્રાન્ચે ઉકેલી નાખ્યો છે. ચિંતન વાઘેલા નામના યુવકે યુવતીને રૂમમાં લઈ જઈને તેનું ગળું દબાવીને હત્યા કરી હોવાનું બહાર આવ્યું છે. તે યુવતીનો મિત્ર હોવાનું પણ બહાર આવ્યું છે. હત્યા બાદ તે આણંદ તરફ ભાગી ગયો હોવાનું બહાર આવ્યું છે. હાલમાં આરોપી યુવકની ધરપકડ કરવામાં આવી છે અને તેની પૂછપરછ કરવામાં આવી રહી છે.
પ્રાથમિક તપાસ મુજબ, ચિંતન વાઘેલા નામનો યુવક યુવતી સાથે રૂમમાં ગયો હતો. ત્યારબાદ યુવક ત્યાંથી ચાલ્યો ગયો હતો. એવું અનુમાન લગાવવામાં આવી રહ્યું છે કે યુવકે તેનું ગળું દબાવીને હત્યા કરી હશે.
એરપોર્ટ પર કામ કરતી એક યુવતીનો મૃતદેહ તંદૂર હોટલના એક રૂમમાં શંકાસ્પદ સંજોગોમાં મળી આવ્યો હતો. પોલીસ તપાસ દરમિયાન, એક યુવક છોકરીને રૂમમાં લઈ ગયો હતો અને છોકરીની હત્યાની શંકાના આધારે પોલીસે સમગ્ર કેસની તપાસ શરૂ કરી છે.
મૂળ ઉત્તર પ્રદેશની અને હાલમાં રામોલમાં રહેતી 22 વર્ષીય નસરીનબાના ફિરોઝ અખ્તર એરપોર્ટ પર કામ કરતી હતી. 16 માર્ચની સાંજે, તેમનો મૃતદેહ એરપોર્ટ નજીક તંદૂર હોટેલના એક રૂમમાંથી મળી આવ્યો હતો. આ કેસમાં એરપોર્ટ પોલીસે ઘટનાસ્થળે પહોંચીને મૃતદેહને પોસ્ટમોર્ટમ માટે મોકલી આપ્યો હતો અને આકસ્મિક મૃત્યુનો કેસ નોંધીને વધુ તપાસ શરૂ કરી હતી.
આ પણ વાંચો:અમદાવાદમાં સરખેજમાં થયેલી હત્યામાં મોતનું કારણ બન્યો પૈસો!
આ પણ વાંચો:અમદાવાદમાં ઘૃણાસ્પદ ઘટના, પિતાએ 10 વર્ષના બાળકની કરી ક્રૂર હત્યા
આ પણ વાંચો:અમદાવાદની NEET પરીક્ષાર્થીએ કોટામાં આત્મહત્યા કરી, 24 કલાકમાં 2 વિદ્યાર્થીએ કરી આત્મહત્યા
