ઉમેદવારી (Candidacy)ફોર્મ પરત ખેંચવાનો(Withdrawal) છેલ્લો દિવસ હોવાથી રાજ્યભરમાં રાજકીય હલચલ
સુરતમાં કોંગ્રેસના ઉમેદવારને લઈને વિવાદ ઉભો થયો હતો, જ્યાં SOG ટીમ તેમને તેમના નિવાસસ્થાન પરથી લઈ ગઈ હોવાનો આક્ષેપ થયો છે. આ ઘટનાને પગલે કોંગ્રેસના કાર્યકરો અને પોલીસ વચ્ચે ઘર્ષણ સર્જાયું હતું. બંને તરફથી લાતો અને ધક્કામુક્કી સુધી વાત પહોંચી હતી.
વડોદરામાં પણ કોંગ્રેસના ઉમેદવાર ફોર્મ પરત ખેંચવા પહોંચતા કાર્યકરોમાં રોષ ફાટી નીકળ્યો હતો. આક્રોશિત કાર્યકરોએ ભારે હોબાળો મચાવ્યો અને ઉમેદવારની કારના કાચ તોડી નાખ્યા હતા.
પાલનપુરમાં ભાજપ પર આરોપ છે કે મહિલા ઉમેદવારને દબાણ હેઠળ ફોર્મ પરત ખેંચાવવામાં(Withdrawal) આવ્યું હતું. આ ઘટનાએ રાજકીય તણાવ ને વધુ તેજ બનાવ્યો છે.
કોંગ્રેસે પોતાના ઉમેદવારોને પક્ષાંતર અથવા દબાણથી બચાવવા માટે તેમને ગુપ્ત સ્થળે ખસેડવાની વ્યૂહરચના અપનાવી છે.
ગુજરાતમાં 15 મહાનગરપાલિકા, 34 જિલ્લા પંચાયત, 84 નગરપાલિકા અને 260 તાલુકા પંચાયતની ચૂંટણીઓ 26 એપ્રિલે યોજાવાની છે. ઉમેદવારી પત્રોની ચકાસણી પૂર્ણ થયા બાદ હવે ફોર્મ પરત ખેંચવાની પ્રક્રિયા અંતિમ તબક્કે છે, જેના કારણે બપોર સુધીમાં સ્પષ્ટ થશે કે કયા ઉમેદવારો મેદાનમાં રહેશે.
આ સમગ્ર પરિસ્થિતિએ રાજ્યના રાજકીય માહોલને વધુ તંગ અને રસપ્રદ બનાવી દીધો છે.
