ભારતમાં મોટા ભાગના લોકો ઈચ્છે છે કે તેમની થાપણો પર ભલે ઓછું વ્યાજ મળે, પણ પૈસા એકદમ સુરક્ષિત રહે. આવા લોકો માટે પોસ્ટ ઓફિસની આ સ્કીમ ખૂબ જ શાનદાર છે. આ સ્કીમમાં પૈસા સુરક્ષિત રાખવાની સાથે બેંકોની સરખામણીમાં વ્યાજ દર પણ વધારે છે.
હકીકતમાં, રોકાણકારોનો ભારતમાં પોસ્ટ ઓફિસ સાથે વિશ્વાસનો સંબંધ છે. જો તમે 5 વર્ષ માટે રોકાણ કરવા માંગો છો તો પોસ્ટ ઓફિસ માસિક આવક યોજના તમારા માટે એક શ્રેષ્ઠ વિકલ્પ છે. આ યોજનામાં રોકાણ કર્યા પછી, તમને દર મહિને એક નિશ્ચિત આવક મળશે, અને તમારા પૈસા પણ સંપૂર્ણપણે સુરક્ષિત રહેશે. આ યોજનાને નેશનલ સેવિંગ્સ મંથલી ઈન્કમ એકાઉન્ટ તરીકે પણ ઓળખવામાં આવે છે.
તમે જોઈન્ટ એકાઉન્ટમાં 15 લાખ રૂપિયા સુધી જમા કરાવી શકો છો
તમે એક ખાતા દ્વારા પોસ્ટ ઓફિસ મંથલી સેવિંગ્સ સ્કીમમાં ઓછામાં ઓછા રૂ. 1,000 અને વધુમાં વધુ રૂ. 9 લાખનું રોકાણ કરી શકો છો. સંયુક્ત ખાતામાં નાણાંની મહત્તમ મર્યાદા 15 લાખ રૂપિયા સુધીની છે. એટલે કે પતિ-પત્ની બંને મળીને જોઈન્ટ એકાઉન્ટમાં 15 લાખ રૂપિયા સુધીનું રોકાણ કરી શકે છે. આ યોજના નિવૃત્ત કર્મચારીઓ અને વરિષ્ઠ નાગરિકો માટે ખૂબ જ ફાયદાકારક છે. સંયુક્ત ખાતામાં વધુમાં વધુ ત્રણ લોકો રોકાણ કરી શકે છે.
એટલું જ નહીં, તમે આ સ્કીમમાં સગીરના નામે જમા કરાવી શકો છો, પરંતુ આવા ખાતામાં 3 લાખ રૂપિયા સુધીનું રોકાણ કરી શકાય છે. આ યોજનામાં જમા કરાવવા માટે, પોસ્ટ ઓફિસમાં એક અલગ POMIS ફોર્મ ભરવાનું રહેશે. આ સ્કીમમાં રોકાણ કરતા પહેલા ગ્રાહકે પોસ્ટ ઓફિસમાં બચત ખાતું ખોલાવવું પડશે.
હાલમાં, પોસ્ટ ઓફિસ માસિક આવક યોજનામાં 7.4 ટકા વાર્ષિક વ્યાજ ઉપલબ્ધ છે. જે અન્ય ફિક્સ્ડ ડિપોઝિટ અને વિકલ્પો કરતાં વધુ સારી છે. POMIS ફોર્મ ભરતી વખતે, તમારે ઓળખ કાર્ડ, રહેઠાણનો પુરાવો, 2 પાસપોર્ટ સાઇઝના ફોટોગ્રાફ્સની જરૂર પડશે. નોમિની જરૂરી છે.
યોજના અવધ
આ પોસ્ટ ઓફિસ સ્કીમની પાકતી મુદત 5 વર્ષ છે. જો તમે સમય પહેલા પૈસા ઉપાડી લેશો તો તમારે નુકસાન સહન કરવું પડી શકે છે. એક વર્ષની અંદર ઉપાડની કોઈ જોગવાઈ નથી. જો તમે 3 વર્ષ પહેલા પૈસા ઉપાડો છો, તો 2% દંડ ભરવો પડશે. જો 3 થી 5 વર્ષમાં ઉપાડ કરવામાં આવે તો 1 ટકા રકમ કાપવામાં આવે છે.
આ ખાતાના લાભો
તમે આ એકાઉન્ટને એક પોસ્ટ ઓફિસથી બીજી પોસ્ટ ઓફિસમાં શિફ્ટ કરી શકો છો. 5 વર્ષની પાકતી મુદત પૂરી થયા પછી, તમે રકમનું ફરીથી રોકાણ કરી શકો છો. આમાં નોમિનીની નિમણૂક કરી શકાય છે, જેથી નોમિનીને કોઈપણ અપ્રિય ઘટનાના કિસ્સામાં રકમ મળી શકે. MIS સ્કીમમાં TDS કાપવામાં આવતો નથી, પરંતુ વ્યાજ પર ટેક્સ ચૂકવવો પડે છે.
આ પણ વાંચો :7th pay commission/શું કેન્દ્રીય કર્મચારીઓને દિવાળી પર ભેટ મળશે? DAમાં મોટો વધારો થઈ શકે છે
આ પણ વાંચો :તમારા માટે/બેંક ખાતાઓની સંપૂર્ણ વિગતો એક જ જગ્યાએ ઉપલબ્ધ, જાણો કેવી રીતે?
આ પણ વાંચો :bank of baroda/બેંક ઓફ બરોડા પર RBIની મોટી કાર્યવાહી, લાખો ગ્રાહકોને થશે અસર!
