રાજકોટ મહાનગરપાલિકા દ્વારા શહેરમાં જુદા જુદા સ્થળોએ ૨૧ શોપીંગ સેન્ટરની ૩૮૫ દુકાનો લાંબાગાળા માટે લીઝથી આપવામાં આવેલ છે.  ૪ શોપીંગ સેન્ટરના ૪૧ દુકાન ધારકો દ્વારા લાંબા સમયથી રાજકોટ મહાનગરપાલિકામાં લીઝ ચાર્જ (ભાડુ) ભરપાઈ કરવામાં આવેલ ન હોય, અગાઉ એસ્ટેટ વિભાગ દ્વારા વખતો-વખત નોટીસ આપવામાં આવેલ હતી.

આમ છતા સદરહુ ૪૧ દુકાનધારકો દ્વારા રૂ.૧૧૪ લાખ જેટલી ભાડા+વ્યાજની રકમ ભરપાઈ કરવામાં આવેલ ન હોય, સદરહુ ૪૧ દુકાનો ધારકોને દિન-૩૦માં દુકાન ખાલી કરી આપવા આખરી નોટીસ ઈસ્યુ કરવામાં આવેલ છે.

આ નોટિસ શહેરના વિવિધ વિસ્તારોમાં આવેલા શોપીંગ સેન્ટર જેવા કે ગુમાનસિંહજી શોપીંગ સેન્ટર-જ્યુબીલી માર્કેટ સામે,જ્યુબીલી શોપીંગ સેન્ટર,લોટરી બજાર ,ગેલેક્સી સિનેમા સામેનું શોપીંગ સેન્ટર,ત્રિકોણબાગ પાસેનું શોપીંગ સેન્ટરને મળી કુલ ૪૧ દુકાન ધારકોને પાઠવવામાં આવી છે.

મંતવ્ય ન્યૂઝ દ્વારા જાહેર અપીલ –

દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…