મની લોન્ડરિંગ કેસમાં શિવસેનાના નેતા સંજય રાઉત (Sanjay Raut) ઉપરાંત તેમની પત્ની વર્ષા રાઉત (Varsha Raut) ની પણ મુશ્કેલી વધી છે. વર્ષા રાઉત મની લોન્ડરિંગ કેસના સંબંધમાં શનિવારે મુંબઈમાં એન્ફોર્સમેન્ટ ડિરેક્ટોરેટ (ED) સમક્ષ હાજર થઈ હતી. આ કેસ ‘ચોલ’ના પુનઃવિકાસમાં અનિયમિતતા અને સંબંધિત વ્યવહારો સાથે સંબંધિત છે. આ કેસમાં EDએ સંજય રાઉતની ધરપકડ કરી છે.
આપને જણાવી દઈએ કે કેન્દ્રીય એજન્સીએ આ અઠવાડિયાની શરૂઆતમાં વર્ષા રાઉતને સમન્સ પાઠવ્યા હતા. આ પછી, તે શનિવારે સવારે 10.40 વાગ્યે દક્ષિણ મુંબઈના બેલાર્ડ એસ્ટેટમાં EDની ઓફિસે પહોંચી હતી. ED સંજય રાઉત અને કેસના અન્ય આરોપીઓ સાથે રૂબરૂ બેસીને તેમની પૂછપરછ કરી શકે છે.
ED ઓફિસની બહાર કડક સુરક્ષા
ED ઓફિસની બહાર મોટી સંખ્યામાં પોલીસકર્મીઓ તૈનાત કરવામાં આવ્યા છે. કેન્દ્રીય એજન્સી મુંબઈના ગોરેગાંવ વિસ્તારમાં પાત્રા ‘ચોલ’ના પુનઃવિકાસ સંબંધિત રૂ. 1,034 કરોડના કથિત જમીન કૌભાંડની તપાસ કરી રહી છે. EDએ આ કેસમાં 1 ઓગસ્ટના રોજ રાજ્યસભાના સભ્ય સંજય રાઉતની ધરપકડ કરી હતી. સ્થાનિક કોર્ટે ગુરુવારે તેને 8 ઓગસ્ટ સુધી કસ્ટડીમાં મોકલી દીધો હતો.
સંજયે ગુરુવારે ED પર લગાવ્યા હતા આરોપો
કથિત મની લોન્ડરિંગના કેસમાં ED દ્વારા ધરપકડ કરાયેલ શિવસેનાના સાંસદ સંજય રાઉતે ગુરુવારે કેન્દ્રીય એજન્સી પર અનેક આરોપો લગાવ્યા હતા. રાઉતે સ્પેશિયલ કોર્ટને જણાવ્યું હતું કે તેની કસ્ટડી દરમિયાન એજન્સીએ તેમને એક રૂમમાં રાખ્યા હતા જેમાં ન તો બારી હતી અને ન તો વેન્ટિલેશનનો કોઈ રસ્તો હતો. ગુરુવારે પીએમએલએ સંબંધિત મામલાઓની સુનાવણી દરમિયાન શિવસેના નેતાએ વિશેષ કોર્ટના જજ એમ.જી. દેશપાંડેની સામે આ વાત કહી.
જો કે, કોર્ટે સંજય રાઉતને કોઈ રાહત આપી ન હતી અને તેની ED કસ્ટડી 8 ઓગસ્ટ સુધી લંબાવી હતી. ગોરેગાંવમાં પાત્રા ‘ચોલ’ના પુનર્વિકાસમાં મની લોન્ડરિંગ અને તેની પત્ની અને કથિત સહયોગીઓની સંપત્તિ સાથે સંકળાયેલા નાણાકીય વ્યવહારોના સંબંધમાં ED દ્વારા રવિવારની મધ્યરાત્રિએ રાઉતની ધરપકડ કરવામાં આવી હતી. કોર્ટે સોમવારે રાઉતને 4 ઓગસ્ટ સુધી ED કસ્ટડીમાં મોકલી દીધો હતો. તેની કસ્ટડીના અંતે, એજન્સીએ ગુરુવારે તેને વિશેષ અદાલતમાં રજૂ કર્યા હતા જ્યાંથી તેમની કસ્ટડી લંબાવવામાં આવી હતી.
આ પણ વાંચો:શિક્ષિકાએ પોતાના જ ઘરમાં ગળે ફાંસો ખાઈ આત્મહત્યા કરી લેતા ચકચાર
આ પણ વાંચો:ઉપરાષ્ટ્રપતિ પદ માટે મતદાન શરૂ, જાણો શું છે મતોનું સમીકરણ
આ પણ વાંચો:રામ મંદિર 2024 સુધીમાં ભક્તો માટે ખોલવામાં આવશે, 40 ટકા બાંધકામ પૂર્ણ
