કહેવાય છે કે જેનું કોઈ નથી તેનો ભગવાન હોય છે, પરંતુ કેટલાક એવા પણ હોય છે જે ભગવાનની સાથે પોતાના જેવા લોકોને દિનચર્યા, જીવન જીવવા અને ખાસ પ્રસંગો માટે પોતાના સાથી બનાવે છે. તે મનુષ્યની સાથે સાથે પશુ કે પક્ષી પણ હોઈ શકે છે. તાજેતરમાં જ કોલંબિયામાં આવો જ એક નજારો જોવા મળ્યો, જ્યારે દુનિયામાં એકલા પડી ગયેલા એક વ્યક્તિએ પોતાનો જન્મદિવસ ડોગ્સ સાથે ધામધૂમથી ઉજવ્યો. આનો એક વીડિયો પણ વાયરલ થયો છે.
આ પણ વાંચો :દુલ્હાએ આ રીતે સાસુ પર વરસાવ્યો પ્રેમ, પછી જીતી લીધું દુલ્હનનું દિલ – જુઓ વીડિયો
સોશિયલ મીડિયા પર વાયરલ થયેલા આ વીડિયોમાં જોઈ શકાય છે કે ફૂટપાથ પર રહેવા માટે મજબૂર 35 વર્ષનો યુવક બે ડોગ્સ સાથે બેઠો છે. બંને ડોગ્સનામાથા પર જન્મદિવસની કેપ પણ જોવા મળે છે. યુવક પેકેટમાંથી કેક કાઢે છે, તેમાં બે મીણબત્તીઓ મૂકે છે અને લાઇટર વડે સળગાવે છે. મીણબત્તી પ્રગટાવતા પહેલા, તે જન્મદિવસનું ગીત ગાય છે અને તે દરમિયાન તે બંને ડોગ્સને પ્રેમથી ચુંબન કરે છે.
વીડિયોમાં સ્પષ્ટ જોઈ શકાય છે કે યુવક મીણબત્તી ઓલવ્યા બાદ કેક કાપી રહ્યો છે અને પ્લેટમાં તેનો ટુકડો મૂકીને બંને ડોગ્સને ખાવા માટે આપે છે. આ પછી, તે પ્લેટમાં પોતાના માટે કેકનો ટુકડો ખાવાનું શરૂ કરે છે. આ દરમિયાન ડોગ્સની પ્લેટમાં રાખેલી કેક ખતમ થઈ ગઈ, પછી યુવક પોતાની પ્લેટથી બંનેને ખવડાવતો રહ્યો. આ વીડિયોમાં બંને ડોગ્સ ખૂબ જ શાંત અને શિસ્તબદ્ધ દેખાઈ રહ્યા છે.
https://www.instagram.com/tv/CYdMpQoLTR2/?utm_source=ig_web_copy_link
આ પણ વાંચો :નદીમાં ન્હાતા ઠંડીથી બચવા માટે એક વ્યક્તિએ કર્યું એવું કે, વીડિયો જોઈને ઘૂમી ગયું લોકોનું દિમાગ
આ દરમિયાન યુવક ભાવુક થઈ જાય છે અને તેની આંખોમાંથી આંસુ લૂછી નાખે છે. આ સમગ્ર ઘટનાનો વીડિયો દૂરથી કોઈએ ગુપ્ત રીતે બનાવી લીધો છે. જો કે, આ શાનદાર વીડિયોને @roteloperiodismo નામના એકાઉન્ટથી ઈન્સ્ટાગ્રામ પર શેર કરવામાં આવ્યો છે. 2 મિનિટ 51 સેકન્ડનો આ વીડિયો જોયા બાદ લોકોએ કમેન્ટ સેક્શનમાં આ યુવકની ખૂબ પ્રશંસા કરી છે અને તેની દયાનું ઉદાહરણ પણ આપ્યું છે.
The best ‘Birthday Party.’❤️ pic.twitter.com/OCANWRfCB9
— Awanish Sharan 🇮🇳 (@AwanishSharan) January 10, 2022
જોકે, @roteloperiodismo જે એકાઉન્ટ પરથી પહેલીવાર વીડિયો પોસ્ટ કરવામાં આવ્યો છે તેના અનુસાર યુવકનું નામ ચોકો છે અને તે કેબેસેરામાં રહે છે. આ ઈન્સ્ટાગ્રામ વીડિયોને લગભગ 6 લાખ વખત જોવામાં આવ્યો છે. આ વીડિયો IAS ઓફિસર અવનીશ શરણ દ્વારા પણ ટ્વિટર પર પોસ્ટ કરવામાં આવ્યો છે. ટ્વિટર પર તેમની આ પોસ્ટને 8 લાખ વખત જોવામાં આવી છે.
આ પણ વાંચો :લગ્નના ફેરા પહેલા દુલ્હને પંડિતજીને કર્યો ફોન, કરી એવી વાત કે સાંભળીને ચોંકી જશો
આ પણ વાંચો :જંગલમાં 6 સિંહણ સાથે નિર્ભયપણે ફરી રહી હતી છોકરી, પછી જે થયું…
આ પણ વાંચો :પહાડ પરથી પડી રહેલા ઝરણાને જોઈને બાળકે કર્યું એવું કે, જોઈને લોકો થઈ ગયા ખુશ
