Mahananda Express Rape Case West Bengal મહિલાઓની સુરક્ષાને લઈને ચિંતાજનક ઘટના સામે આવી છે. પોલીસના જણાવ્યા અનુસાર, 20 વર્ષની એક ગર્ભવતી આદિવાસી મહિલા(Pregnant woman) સાથે મહાનંદા એક્સપ્રેસના દિવ્યાંગ કોચમાં દુષ્કર્મ કરવામાં આવ્યું હોવાનો આરોપ છે. મહિલા દિલ્હીથી પશ્ચિમ બંગાળના અલીપુરદુઆર તરફ પોતાના ઘરે પરત ફરી રહી હતી. મળતી માહિતી પ્રમાણે, ટ્રેન અલીપુરદુઆર જિલ્લાના કાલચીની વિસ્તાર નજીક પહોંચી ત્યારે આ ઘટના બની હતી. મહિલા જે કોચમાં મુસાફરી કરી રહી હતી તે સમયે લગભગ ખાલી હતો. પોલીસના જણાવ્યા અનુસાર, આરોપીએ આ પરિસ્થિતિનો લાભ લઈને મહિલા(Pregnant woman) સાથે કથિત રીતે દુષ્કર્મ આચર્યું હતું.

મહિલાની ચીસો સાંભળીને રેલવે કર્મચારીઓએ કરી મદદ

ઘટના દરમિયાન મહિલાએ(Pregnant woman) મદદ માટે બૂમો પાડી હતી. નજીકના કોચમાં હાજર રેલવે કર્મચારીઓને તેની ચીસો સંભળાઈ હતી. ત્યારબાદ તેમણે તાત્કાલિક રેલવે હેલ્પલાઇન પર ઘટનાની જાણ કરી હતી. માહિતી મળ્યા બાદ સુરક્ષા કર્મચારીઓએ કાર્યવાહી શરૂ કરી હતી. આ દરમિયાન મહિલાએ પોતાના પતિને ફોન કરીને સમગ્ર ઘટનાની જાણ કરી હતી. ટ્રેન અલીપુરદુઆર સ્ટેશન પર પહોંચતા તેનો પતિ ત્યાં પહોંચી ગયો હતો. ત્યારબાદ મહિલાને સુરક્ષિત રીતે બહાર કાઢવામાં આવી હતી અને રેલવે પોલીસ તથા સુરક્ષા કર્મચારીઓએ આરોપીને કસ્ટડીમાં લીધો હતો.

આરોપીને 5 દિવસની પોલીસ કસ્ટડી

પોલીસે આરોપીની ઓળખ આસામના રંગિયા વિસ્તારના રહેવાસી ગૌતમ મહતો તરીકે કરી છે. મહિલાની(Pregnant woman) ફરિયાદના આધારે પોલીસે તેની સામે દુષ્કર્મનો કેસ નોંધ્યો છે અને તેની ધરપકડ કરી છે. પોલીસના જણાવ્યા અનુસાર, આરોપીને કોર્ટમાં રજૂ કરવામાં આવ્યો હતો. કોર્ટે તેને પાંચ દિવસની પોલીસ કસ્ટડીમાં મોકલ્યો છે. હવે પોલીસ સમગ્ર ઘટનાની તપાસ કરી રહી છે અને કેસ સાથે જોડાયેલા લોકોના નિવેદનો પણ નોંધવામાં આવી રહ્યા છે.

સમગ્ર ઘટનાની તપાસ ચાલુ

પોલીસ ઘટનાના સંજોગો, ટ્રેનમાં તે સમયે હાજર લોકો અને અન્ય મહત્વપૂર્ણ પાસાંની તપાસ કરી રહી છે. તપાસ દરમિયાન સામે આવતા તથ્યોના આધારે આગળની કાયદેસરની કાર્યવાહી કરવામાં આવશે.

આ પણ વાંચો: ગાંધીનગરમાં 4 વર્ષની માસૂમ પર સગા પિતાનું દુષ્કર્મ, POCSO હેઠળ આરોપીની ધરપકડ

આ પણ વાંચો: દુષ્કર્મ પીડિત સગીરાને હાઇકોર્ટની મોટી રાહત! 22 અઠવાડિયાના ગર્ભપાતને મંજૂરી

આ પણ વાંચો: સુરતમાં 14 વર્ષની સગીરા પર કિશોર દ્વારા ત્રણ વખત દુષ્કર્મનો આરોપ, POCSO હેઠળ ગુનો નોંધાયો