ગુજરાત વિધાનસભાને ગણતરીના દિવસો બાકિ છે ત્યારે વડાપ્રધાન નરેન્દ્ર મોદીએ રાજ્યની બાગડોર સંભાળી છે. ગઇકાલે 4 જાહેર સભાઓ સંબોધી હતી આજેપણ ચાર ચૂંટણી સભા ગજવશે. જેમાં સૌથી પહેલા પ્રધાનમંત્રી સવારે 11 વાગ્યે પાલનપુર પહોંચશે. આ બાદ બપોરે 1 વાગ્યે તેઓ મોડાસા જશે, બપોરે 2.30 વાગ્યે તેઓ દહેગામ અને સાંજે 4 વાગ્યે બાવળામાં જનસભાને સંબોધન કરશે.
ગુજરાતમાં છેલ્લા 27 વર્ષથી ભાજપનું શાસન છે. ગુજરાતને ભાજપનો ગઢ માનવામાં આવે છે. એવામાં ભાજપ પોતાના આ ગઢને કોઈપણ કિંમતે ગુમાવવા નથી ઈચ્છતો. ભાજપના ગઢને બચાવવાની જવાબદારી ફરી એકવાર વડાપ્રધાન મોદીએ પોતાના ખભા પર ઉઠાવી લીધી છે. ગુજરાતમાં પીએમ મોદી એક બાદ એક સભાઓ ગજવી રહ્યા છે. આ પહેલા બુધવારે પણ તેમણે ચાર સભાઓ ગજવી હતી.
