વડા પ્રધાન નરેન્દ્ર મોદી આજે ડિજિટલ માધ્યમથી સંયુક્ત રાષ્ટ્ર સુરક્ષા પરિષદ (UNSC બેઠક) ની દરિયાઈ સુરક્ષા પર ખુલ્લી ચર્ચાની અધ્યક્ષતા કરશે. આ ચર્ચાનો વિષય છે વધતી જતી દરિયાઈ સલામતી-આંતરરાષ્ટ્રીય શાંતિ અને સુરક્ષાની જાળવણી માટેની બાબત. નરેન્દ્ર મોદી સંયુક્ત રાષ્ટ્ર સુરક્ષા પરિષદ (PM મોદી યુએનએસસી) ની ખુલ્લી ચર્ચાની અધ્યક્ષતા કરનાર પ્રથમ ભારતીય વડાપ્રધાન બનશે. વડાપ્રધાન કાર્યાલય (PMO) એ રવિવારે આ માહિતી આપી છે.
આ પણ વાંચો – OMG! / ગુજરાતના આ મંદિર જ્યાં પ્રાચીન કાળી માટીના માટલાંમાં 600 વર્ષથી એવુંને એવું ઘી સચવાયેલું છે, દુર્ગંધ કે જીવાત પણ પડતી નથી
વડાપ્રધાન નરેન્દ્ર મોદી આજે નવો ઈતિહાસ રચશે. તેઓ વીડિયો કોન્ફરન્સિંગ દ્વારા સંયુક્ત રાષ્ટ્ર સુરક્ષા પરિષદ (યુએનએસસી) ની દરિયાઇ સુરક્ષા પર ખુલ્લી ચર્ચાની અધ્યક્ષતા કરશે. આ ચર્ચાનો વિષય છે ‘દરિયાઇ સુરક્ષાને પ્રોત્સાહન આપવું: આંતરરાષ્ટ્રીય સહકારની જરૂરિયાત’. PMO નાં જણાવ્યા અનુસાર, નરેન્દ્ર મોદી સંયુક્ત રાષ્ટ્ર સુરક્ષા પરિષદની ખુલ્લી ચર્ચાની અધ્યક્ષતા કરનાર પ્રથમ ભારતીય વડાપ્રધાન હશે. સમાચાર એજન્સી પીટીઆઈનાં અહેવાલ મુજબ, યુએન અધિકારીઓ અને મુખ્ય પ્રાદેશિક સંગઠનો પણ આ ચર્ચામાં ભાગ લે તેવી શક્યતા છે. ચર્ચા સમુદ્રી ગુનાઓ અને અસુરક્ષાને અસરકારક રીતે લડવા અને સમુદ્રી ક્ષેત્રમાં સંકલનને મજબૂત કરવાના માર્ગો પર ધ્યાન કેન્દ્રિત કરશે. આપને જણાવી દઇએ કે, UNSC વતી, દરિયાઇ સુરક્ષા અને દરિયાઇ ગુનાનાં મુદ્દાઓ પર ચર્ચા કરવામાં આવી છે અને ઘણા ઠરાવો પસાર કરવામાં આવ્યા છે.
આ પણ વાંચો – આર્થિક રીતે કંગાળ / પાકિસ્તાન ઇન્ટરનેશનલ એરલાઇન્સ પાસે પાણી પીવડાવવાના પૈસા નથી ? હવે મુસાફરોને મિનરલ પાણીની બોટલ નહીં આપે
PMO કહે છે કે, દરિયાઇ સુરક્ષા એક ગંભીર મુદ્દો છે, તેથી યુએનએસસીમાં તેના પર વ્યાપક ચર્ચા મહત્વપૂર્ણ છે. આ માટે એક વ્યાપક અભિગમ હોવો જોઈએ જેથી કાયદેસર દરિયાઈ પ્રવૃત્તિઓને સુરક્ષિત કરી શકાય. આપને જણાવી દઇએ કે, ભારત બે વર્ષ માટે સુરક્ષા પરિષદનું અસ્થાયી સભ્ય છે અને તે આ વર્ષે ઓગસ્ટ મહિના માટે UNSC ની અધ્યક્ષતા કરી રહ્યું છે, જે એક મોટી સિદ્ધિ માનવામાં આવે છે અને આ પહેલી વખત હશે જ્યારે ગંભીર દરિયાઇ સુરક્ષા જેવા મુદ્દાઓ પર ઉચ્ચ સ્તરની અને ખુલ્લી ચર્ચાઓ થશે.
