કોંગ્રેસ મહાસચિવ પ્રિયંકા ગાંધી વાડ્રાએ ગોવાના મોરપીરલા ગામમાં આદિવાસી મહિલાઓ સાથે પરંપરાગત નૃત્ય કર્યું અને કહ્યું કે જો તેમની સરકાર બનશે તો મહિલાઓને નોકરીઓમાં 30 ટકા અનામત આપવામાં આવશે.
કોંગ્રેસ મહાસચિવ પ્રિયંકા ગાંધી વાડ્રાએ આજે (10 ડિસેમ્બર) ગોવાની મુલાકાત લીધી હતી. ગોવામાં વિધાનસભાની ચૂંટણી યોજાવાની છે,તે અતર્ગત તેઓ ગોવામાં મહિલા મતદારોને આકર્ષવા અને પાર્ટીની વોટ બેંકને મજબૂત કરવા માટે તમામ પ્રયાસો કરી રહ્યા છે. તેમણે મહિલાઓ માટે નોકરીઓમાં 30 ટકા અનામતનું વચન આપ્યું હતું. પ્રિયંકા ગાંધીએ દક્ષિણ ગોવાના મોરપીરલા ગામમાં આદિવાસી મહિલાઓ સાથે પરંપરાગત નૃત્ય પણ કર્યું હતું.
#WATCH Priyanka Gandhi Vadra performs traditional dance with the tribal women at Morpirla village in South Goa pic.twitter.com/qpf7hNaHd4
— ANI (@ANI) December 10, 2021
પ્રિયંકા ગાંધીએ તેમના દરિયાકાંઠાના રાજ્યના એક દિવસના પ્રવાસ દરમિયાન મોરપીરલા ગામની મુલાકાત લીધી હતી જ્યાં તેમણે આદિવાસી મહિલાઓ સાથે વાતચીત કરી હતી. તે મોરપીરલાની મજબૂત અને આત્મવિશ્વાસુ મહિલાઓ સાથે છે. આ મહિલાઓએ ગોવામાં પર્યાવરણ સંરક્ષણ અને હરિયાળી સંરક્ષણમાં મહત્વની ભૂમિકા ભજવી છે. આદિવાસી મહિલાઓના પરંપરાગત નૃત્યમાં કોંગ્રેસના નેતાઓ પણ જોડાયા હતા.
એક્વામ ખાતે મહિલા સંમેલન “પ્રિયદર્શિની” ને સંબોધતા પ્રિયંકાએ કહ્યું કે ગોવા એક પ્રખ્યાત પર્યટન સ્થળ છે. ગોવામાં દુનિયાભરમાંથી પ્રવાસીઓ આવે છે. જો કે, રોગચાળા દરમિયાન, રાજ્ય સરકારે પ્રવાસન ક્ષેત્ર સાથે સંકળાયેલા લોકોને મદદ કરી ન હતી. જો ગોવામાં આવનારી વિધાનસભા ચૂંટણીમાં કોંગ્રેસ પાર્ટી સત્તામાં આવશે તો કોંગ્રેસ પાર્ટી મહિલાઓ માટે 30 ટકા નોકરીઓ અનામત રાખશે.
મહિલાઓ સામેના ગુનામાં વધારો થવાને લઈને ભાજપ સરકાર પર પ્રહાર કરતા કોંગ્રેસના નેતાએ કહ્યું કે જ્યારથી ભાજપ સરકાર સત્તામાં આવી છે ત્યારથી મહિલાઓ સામેના ગુનાઓમાં વધારો થયો છે. જો મહિલાઓ સામે જાતીય સતામણીનો કેસ દાખલ કરવામાં આવે છે, તો ભાજપ પીડિતા પર સવાલ ઉઠાવે છે અને તેને દોષી ઠેરવે છે. જો કોંગ્રેસ સત્તામાં આવશે તો તે ગોવાના દરેક તાલુકામાં પોલીસ સ્ટેશન બનાવશે અને પોલીસ સ્ટેશનમાં મહત્તમ મહિલા કર્મચારીઓને તૈનાત કરશે. તેમણે ગોવામાં પાણીની અછત અને બેરોજગારી જેવા પ્રશ્નોને ઉકેલવાની ખાતરી પણ આપી હતી. તેમણે એમ પણ કહ્યું કે કોંગ્રેસ ભારતમાં સ્વસહાય જૂથો (SHGs) ને રૂ. 1 લાખ આપશે.
