આવનારા સમયમાં, પ્રીમિયમ ટ્રેનોમાં, તમને ‘એર હોસ્ટેસ’ની જેમ જ ‘ટ્રેન હોસ્ટેસ’ જોવા મળશે. મુસાફરોની સુવિધા અને આરામ માટે રેલવે આ નવી સુવિધા શરૂ કરવા જઈ રહી છે. ‘ટ્રેન હોસ્ટેસ’ની આ સુવિધા બિલકુલ ‘એર હોસ્ટેસ’ જેવી જ હશે. ભારતીય રેલ્વે ટૂંક સમયમાં તેની પ્રીમિયમ લાઇન ટ્રેનોમાં આવી સુવિધા શરૂ કરવાની તૈયારી કરી રહ્યું છે.
પ્રીમિયમ લાઇનની ટ્રેનોમાં ‘વંદે માતરમ’, ગતિમાન એક્સપ્રેસ, તેજસ એક્સપ્રેસ જેવી ટ્રેનોનો સમાવેશ થાય છે. જો કે, રાજધાની અથવા દુરંતો જેવી લાંબા અંતરની ટ્રેનોમાં પરિચારિકા જોવા મળશે નહીં. એરલાઇન્સની જેમ, ટ્રેન હોસ્ટેસ માત્ર મહિલાઓ જ નહીં, પરંતુ પુરુષો પણ હોઈ શકે છે. નવી જગ્યાઓ માટે ભરતી કરાયેલા લોકોને હોસ્પિટાલિટીના ક્ષેત્રમાં લાયકાતની જરૂર પડશે, કારણ કે તેઓએ મુસાફરોને ભોજન પીરસવાનું રહેશે અને મુસાફરોની ફરિયાદોનું ધ્યાન રાખવું પડશે.
ટ્રેનની મુસાફરીના અનુભવને આધુનિક બનાવવા માટે રેલવેના ચાલી રહેલા અભિયાનને લઈને આ નિર્ણય લેવામાં આવ્યો છે. આ ટ્રેન હોસ્ટેસ એરલાઈન્સની સેવાઓ જેવી જ સુવિધાઓ આપશે. ટ્રેન હોસ્ટેસ દિવસના સમયે જ કામ કરશે, તેમને રાત્રિની ટ્રેનોમાં રાખવામાં આવશે નહીં. ભારતીય રેલ્વે લગભગ 25 પ્રીમિયમ ટ્રેનો ચલાવે છે, જેમાં શતાબ્દી એક્સપ્રેસ, ગતિમાન એક્સપ્રેસ, તેજસ એક્સપ્રેસ અને વંદે ભારત ટ્રેનનો સમાવેશ થાય છે.
આ ટ્રેનોમાં પેકેજ્ડ પ્રોડક્ટ્સને બદલે તાજું તૈયાર ફૂડ પણ પીરસવામાં આવશે. આ સંબંધમાં તમામ સંબંધિત વિભાગો અને હિતધારકોને જારી કરવામાં આવેલા આદેશમાં કહેવામાં આવ્યું છે કે આ મામલાની તપાસ કરવામાં આવી છે અને ટ્રેનોમાં રાંધેલા ખોરાકને ફરીથી શરૂ કરવાનો નિર્ણય લેવામાં આવ્યો છે.
